سیدنا عروہ فرماتے ہیں: رسول اللہ صلی اللہ علیہ وسلم کے ہمراہ جنگ بدر میں شریک ہونے والوں میں ” سیدنا معتب بن عوف بن عامر بن فضل بن عفیف “ بھی ہیں۔ یہی صحابی ہیں جنہیں ” معتب بن حمراء “ کہا جاتا ہے، ان کی کنیت ابوعوف ہے، آپ بنی مخزوم کے حلیف ہیں، حبشہ کی جانب دوسری ہجرت کرنے والوں میں شامل ہیں۔ مؤرخین کا کہنا ہے کہ رسول اللہ صلی اللہ علیہ وسلم نے ان کو سیدنا ثعلبہ بن حاطب رضی اللہ عنہ کا بھائی بنایا تھا۔ 78 برس کی عمر سن 57 ہجری کو ان کا انتقال ہوا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6261]

6262 - محمد بن عمر (الواقدی) بیان کرتے ہیں کہ: معتب بن عوف بن عامر... جنہیں معتب بن الحمراء بھی کہا جاتا ہے، ان کی کنیت ابو عوف تھی اور وہ بنو مخزوم کے حلیف تھے۔ وہ حبشہ کی طرف دوسری ہجرت کرنے والے مہاجرین میں شامل تھے۔ بیان کیا جاتا ہے کہ رسول اللہ صلی اللہ علیہ وسلم نے معتب بن الحمراء اور ثعلبہ بن حاطب (رضی اللہ عنہما) کے درمیان بھائی چارہ قائم فرمایا تھا۔ معتب (رضی اللہ عنہ) غزوہ بدر، احد، خندق اور رسول اللہ صلی اللہ علیہ وسلم کے ہمراہ تمام غزوات میں شریک رہے۔ ان کی وفات سن 57 ہجری میں ہوئی اور اس وقت ان کی عمر اٹھتر (78) برس تھی۔ (یہاں سے) شداد بن اوس انصاری رضی اللہ عنہ کے مناقب کا ذکر (شروع ہوتا ہے)۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6262]

ابراہیم بن منذر حزامی کہتے ہیں:” سیدنا شداد بن اوس بن ثابت بن منذر بن حرام “ کی کنیت ” ابویعلیٰ “ ہے۔ فلسطین میں اقامت پذیر رہے ہیں۔ 75 کی عمر میں سن 58 ہجری کو انتقال ہوا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6263]