محرر بن ابی ہریرہ سے مروی ہے کہ میرے والد کا نام عبد عمرو بن عبد غنم تھا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6269]

سیدنا ابو ہریرہ رضی اللہ عنہ سے روایت ہے کہ انہوں نے فرمایا: ”زمانہ جاہلیت میں میرا نام عبد شمس بن صخر تھا، پھر رسول اللہ صلی اللہ علیہ وسلم نے میرا نام عبدالرحمن رکھا۔“ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6270]

سعید بن عبدالعزیز سے روایت ہے کہ سیدنا ابوہریرہ رضی اللہ عنہ کا نام (زمانہ جاہلیت میں) ”عبد غنم“ تھا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6271]

ابومسہر سے مروی ہے کہ سیدنا ابوہریرہ رضی اللہ عنہ کا نام ”علی بن عبد شمس“ تھا۔ جبکہ امام احمد بن حنبل، ابوعبیدہ الحداد کے واسطے سے بیان کرتے ہیں کہ ان کا نام ”عبداللہ“ تھا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6272]

یزید بن ابی حبیب سے روایت ہے کہ سیدنا ابوہریرہ رضی اللہ عنہ کا نام ”عبد نہم بن عامر“ تھا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6273]

یحییٰ بن بکیر سے روایت ہے کہ سیدنا ابوہریرہ رضی اللہ عنہ کی وفات مقامِ ”عقیق“ میں ہوئی، ان کا نام ”عبداللہ بن عمرو“ تھا اور بعض لوگوں نے ”ابن عبدالعزیٰ“ بھی کہا ہے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6274]

امام احمد بن حنبل سے مروی ہے کہ سیدنا ابوہریرہ رضی اللہ عنہ کے نام کے بارے میں عبد شمس، عبد نہم، عبد غنم اور سکین کے الفاظ کہے گئے ہیں۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6275]

ابن عائشہ سے مروی ہے کہ سیدنا ابوہریرہ رضی اللہ عنہ کا نام ”سکین“ تھا۔ (امام حاکم فرماتے ہیں کہ) ابوہریرہ رضی اللہ عنہ کے نام میں پایا جانے والا یہ اختلاف نو (9) مختلف اقوال تک پہنچا ہے، میرے نزدیک ان میں سب سے صحیح قول یہ ہے کہ جاہلیت میں ان کا نام ”عبد شمس“ اور اسلام میں ”عبدالرحمن“ تھا، اسی طرح ان کی عمر میں بھی اختلاف ہے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6276]

ابو معشر سے روایت ہے کہ سیدنا ابوہریرہ رضی اللہ عنہ کی وفات سیدنا معاویہ رضی اللہ عنہ کے دورِ خلافت میں 58 ہجری میں ہوئی، اور اسی سال سعید بن عاص، سیدہ عائشہ اور سیدنا سعد بن ابی وقاص (مالک) رضی اللہ عنہم اجمعین کی وفات ہوئی۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6277]