اشعث بن ابی شعثاء اپنے والد کا یہ بیان نقل کرتے ہیں (وہ فرماتے ہیں کہ) میں مدینہ منورہ میں گیا، وہاں پر سیدنا ابوایوب انصاری رضی اللہ عنہ، سیدنا ابوہریرہ رضی اللہ عنہ کے حوالے سے حدیث پاک بیان کر رہے تھے، میں نے کہا: آپ ابوہریرہ کے حوالے سے حدیث بیان کر رہے ہیں؟ حالانکہ آپ خود رسول اللہ صلی اللہ علیہ وسلم کے میزبان ہیں۔ سیدنا ابوایوب انصاری رضی اللہ عنہ نے فرمایا: مجھے سیدنا ابوہریرہ رضی اللہ عنہ کے حوالے سے حدیث بیان کرنا، رسول اللہ صلی اللہ علیہ وسلم کے حوالے سے بیان کرنے سے بھی زیادہ پسند ہے۔ امام ابوبکر فرماتے ہیں: سیدنا ابوہریرہ رضی اللہ عنہ کی علم پر حریص ہونے کی یہ بین دلیل ہے کہ آپ نے ایسے صحابہ کرام سے بھی حدیث روایت کی ہے جن کی اپنی روایات کی تعداد بہت کم ہے۔ مثلاً سیدنا ابوہریرہ رضی اللہ عنہ نے سیدنا سہل بن سعد ساعدی رضی اللہ عنہ سے روایت کی ہے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6299]