حمید کہتے ہیں: سیدنا انس بن مالک رضی اللہ عنہ رسول اللہ صلی اللہ علیہ وسلم کی حدیث بیان کر رہے تھے: ایک آدمی نے کہا: کیا آپ نے یہ بات خود رسول اللہ صلی اللہ علیہ وسلم سے سنی ہے؟ اس بات پر سیدنا انس رضی اللہ عنہ شدید غضبناک ہوئے، اور فرمایا: خدا کی قسم! ہر وہ بات جو ہم تمہیں سنائیں، ضروری نہیں ہے کہ ہم نے وہ رسول اللہ صلی اللہ علیہ وسلم سے ہی سنی ہو، بلکہ بسا اوقات یوں بھی ہوتا تھا کہ ہم ایک دوسرے کو حدیث سنایا کرتے تھے۔ اور ہم میں سے کوئی شخص بھی دوسرے پر کوئی تہمت نہیں لگاتا تھا۔ ان صحابہ کرام کا تذکرہ جن کے فضائل و مناقب، اور ان کی ولادت و وفات کا تذکرہ ہم تک دیر سے پہنچا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6601]

خلیفہ بن خیاط عصفری نے ان کا نسب یوں بیان کیا ہے ” حمل بن مالک بن بابغہ بن جابر بن عبید بن ربیعہ بن کعب بن حارث بن کثیر بن ہند بن طابخہ بن لحیان بن ہزیل ہذلی “۔ بصرہ میں ان کا مکان تھا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6602]