سیدنا سہیل بن بیضاء رضی اللہ عنہ فرماتے ہیں: ایک دفعہ کا ذکر ہے کہ رسول اللہ صلی اللہ علیہ وسلم اور سہیل بن بیضاء رضی اللہ عنہ سفر میں تھے، اس سفر کے دوران اونٹنی پر سہیل بن بیضاء، رسول اللہ صلی اللہ علیہ وسلم کے پیچھے سوار تھے، حضور صلی اللہ علیہ وسلم نے دو یا تین مرتبہ بلند آواز سے سہیل بن بیضاء رضی اللہ عنہ کو آواز دی، ہر بار سیدنا سہیل نے (لبیک یا رسول اللہ کہہ کر) جواب دیا، اس سے صحابہ کرام رضی اللہ عنہم سمجھ گئے کہ حضور صلی اللہ علیہ وسلم ہمیں آواز دے رہے ہیں، چنانچہ جو لوگ آپ صلی اللہ علیہ وسلم سے آگے تھے، وہ بیٹھ گئے اور جو پیچھے تھے وہ آپ صلی اللہ علیہ وسلم تک آ پہنچے، جب تمام لوگ جمع ہو گئے تو رسول اللہ صلی اللہ علیہ وسلم نے فرمایا: جس نے اس بات کی گواہی دی کہ اللہ تعالیٰ کے سوا کوئی عبادت کے لائق نہیں ہے، اللہ تعالیٰ اس کو آگ پر حرام فرما دیتا ہے اور اس کے لئے جنت واجب کر دیتا ہے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6791]