سیدہ عائشہ رضی اللہ عنہا سے روایت ہے کہ وہ اپنے والدین سیدنا ابوبکر صدیق اور سیدہ ام رومان رضی اللہ عنہما کے ہمراہ حاضر ہوئیں، تو ان دونوں نے عرض کی: ہم چاہتے ہیں کہ آپ عائشہ رضی اللہ عنہا کے لیے ایسی دعا فرمائیں جسے ہم بھی سنیں، تو رسول اللہ صلی اللہ علیہ وسلم نے فرمایا: «اللَّهُمَّ اغْفِرْ لِعَائِشَةَ بِنْتِ أَبِي بَكْرٍ الصِّدِّيقِ مَغْفِرَةً وَاجِبَةً ظَاهِرَةً بَاطِنَةً» ”اے اللہ! عائشہ بنت ابوبکر صدیق کی ایسی مغفرت فرما دے جو یقینی ہو، ظاہر ہو اور باطن بھی ہو۔“ پس ان کے والدین نبی کریم صلی اللہ علیہ وسلم کی ان کے حق میں اس بہترین دعا پر حیران ہوئے، تو آپ صلی اللہ علیہ وسلم نے فرمایا: ”کیا تم دونوں حیران ہو رہے ہو؟ یہ میری وہ دعا ہے جو ہر اس شخص کے لیے ہے جو اس بات کی گواہی دے کہ اللہ کے سوا کوئی معبود نہیں اور میں اللہ کا رسول ہوں۔“ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6887]