مصعب بن عبداللہ فرماتے ہیں: سیدہ اسماء بنت ابی بکر رضی اللہ عنہا اپنے بیٹے عبداللہ بن زبیر کے قتل کے چند دن بعد انتقال کر گئیں، ان کے بیٹے کا قتل سن 73 ہجری میں 17 جمادی الاولیٰ کو منگل کے دن ہوا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 7093]

مصعب بن عبداللہ زبیری بیان کرتے ہیں: ضباعہ بنت زبیر بن عبدالمطلب بن ہاشم کا نکاح رسول اللہ صلی اللہ علیہ وسلم نے مقداد بن عمرو بن ثعلبہ رضی اللہ عنہ سے کیا، ان کے ہاں عبداللہ اور کریمہ پیدا ہوئے، اور عبداللہ جنگ جمل میں سیدہ عائشہ رضی اللہ عنہا کی حمایت میں لڑتے ہوئے شہید ہوئے، ان کی نعش مبارک پڑی ہوئی تھی، سیدنا علی رضی اللہ عنہ اس کے پاس گزرے تو فرمایا: میرا بھانجا کتنا برا ہے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 7094]