سیدہ عائشہ رضی اللہ عنہا کی آزاد کردہ لونڈی لیلیٰ رضی اللہ عنہا سے روایت ہے، انہوں نے کہا: رسول اللہ صلی اللہ علیہ وسلم قضائے حاجت کے لیے تشریف لے گئے، میں بعد میں وہاں گئی تو مجھے وہاں کچھ نظر نہ آیا بلکہ کستوری کی خوشبو محسوس ہوئی، میں نے عرض کیا: یا رسول اللہ! مجھے تو وہاں کچھ نظر نہیں آیا! آپ صلی اللہ علیہ وسلم نے فرمایا: ”بے شک زمین کو حکم دیا گیا ہے کہ ہم انبیاء کے گروہ کے فضلات کو جذب کر لے“۔
امام حاکم رحمہ اللہ فرماتے ہیں: صحابیات میں سے ابھی ایک جماعت باقی تھی جن کا میں نے ذکر نہیں کیا تاکہ کتاب طویل نہ ہو جائے اور اختصار برقرار رہے، نیز میں نے صحابہ کے فضائل پر الگ سے کتاب لکھی ہے اور ازواجِ مطہرات کے بعد مجھے صرف چند ایک صحابیات کے ہی فضائل ملے، پس میں نے اللہ سے استخارہ کیا اور اسے ہی مناقبِ صحابہ کی کتاب کا اختتام قرار دیا۔
اب قبائل کے فضائل کا تذکرہ ہے، یہ وہ تراجم ہیں جو شیخین نے اپنی کتابوں میں ذکر نہیں کیے، جن میں سے ایک قریش کے فضائل کا تذکرہ ہے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 7126]