سیدنا ابوقتادہ رضی اللہ عنہ سے روایت ہے کہ میں نے رسول اللہ صلی اللہ علیہ وسلم کو منبر پر انصار کے متعلق یہ فرماتے ہوئے سنا: ”آگاہ رہو کہ لوگ میرے لیے اوپر والے کپڑے (دثار) کی طرح ہیں جبکہ انصار میرے لیے بدن سے ملے ہوئے نیچے والے کپڑے (شعار) کی مانند ہیں، اور اگر لوگ ایک وادی میں چلیں اور انصار کسی گھاٹی میں چلیں تو میں انصار کی گھاٹی کی پیروی کروں گا، پس جو شخص انصار کے معاملات کا ذمہ دار بنے وہ ان کے نیکوکاروں سے بھلائی کرے اور ان کے خطاکاروں سے درگزر کرے، اور جس نے انہیں خوفزدہ کیا اس نے گویا اس ذات کو خوفزدہ کیا جو ان دو پہلوؤں کے درمیان ہے —اور آپ صلی اللہ علیہ وسلم نے اپنی ذاتِ گرامی کی طرف اشارہ فرمایا— اگر ہجرت (کی فضیلت) نہ ہوتی تو میں انصار کا ایک فرد ہوتا۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 7148]