سیدنا ابوسعید خدری رضی اللہ عنہ فرماتے ہیں کہ نبی اکرم صلی اللہ علیہ وسلم نے ارشاد فرمایا ہے: دوستی صرف مومن کے ساتھ کرو، اور تمہارا کھانا کسی پرہیزگار کے پیٹ میں جانا چاہیے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ الْأَطْعِمَةِ/حدیث: 7346]

سیدنا عبداللہ بن عباس رضی اللہ عنہما فرماتے ہیں: رسول اللہ صلی اللہ علیہ وسلم نے مقابلہ بازی (سے حاصل شدہ مال سے بنایا ہوا) کھانا کھانے سے منع فرمایا ہے۔ (یعنی شرط لگا کر مقابلہ کیا، اور شرط جیت کر جو مال حاصل ہوا، اس سے پکایا ہوا کھانا نہیں کھانا چاہیے، کیونکہ شرط لگانا حرام ہے) ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ الْأَطْعِمَةِ/حدیث: 7347]