مریم بن ایاس بن البکیر رسول اللہ صلی اللہ علیہ وسلم کے پیارے صحابی ہیں، انہوں نے ایک ام المومنین کے حوالے سے روایت کیا ہے، میرا خیال ہے کہ وہ ام المومنین سیدہ زینب رضی اللہ عنہا ہیں۔ (روایت کرتی ہیں کہ) نبی اکرم صلی اللہ علیہ وسلم ان کے پاس تشریف لائے، اور ان سے پوچھا: کیا تمہارے پاس ذریرہ (ایک خاص قسم کی خوشبو) ہے؟ انہوں نے کہا: جی ہاں۔ حضور صلی اللہ علیہ وسلم نے وہ منگوائی، اور اپنے پاؤں کی انگلیوں میں سے دو انگلیوں کے درمیان پھنسی پر رکھی، پھر یوں دعا مانگی ” اللَّهُمَّ مُطْفِئَ الْكَبِيرِ وَمُكَبِّرَ الصَّغِيرِ أَطْفِهَا عَنِّي فَطُفِئَتْ۔ ” اے اللہ! اے بڑے کو ختم کرنے والے اور چھوٹے کو بڑا کرنے والے، اس کو مجھ سے ختم کر دے “ تو فوراً آرام آ گیا۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ الطِّبِّ/حدیث: 7651]

سیدنا قتادہ بن نعمان رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا: جب اللہ تعالیٰ اپنے بندے سے محبت کرتا ہے تو اس کو دنیا سے یوں بچاتا ہے جیسے تم اپنے کسی بیمار کو پانی سے بچاتے ہو۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ اس حدیث کے شیوخ اور اس کا بیان درج ذیل اس حدیث میں ہے جس میں سیدنا عمر بن خطاب رضی اللہ عنہ کا حکم موجود ہے۔ [المستدرك على الصحيحين/كِتَابُ الطِّبِّ/حدیث: 7652]

سیدنا زید بن اسلم اپنے والد کا یہ بیان نقل کرتے ہیں: کہ میں سیدنا عمر بن خطاب رضی اللہ عنہ کے دور حکومت میں شدید بیمار ہو گیا۔ سیدنا عمر رضی اللہ عنہ نے طبیب کو بلایا، اس نے مجھے سخت پرہیز بتا دیا حتی کہ اس پرہیز میں، مجھے صرف کھجور کی گٹھلی چوسنے کی اجازت تھی۔ ٭٭ مطلب کے آزاد کردہ غلام عمرو بن ابی عمرو نے جو حدیث عاصم بن عمرو بن قتادہ سے روایت کی ہے اس میں اس کی تفسیر بیان کی ہے۔ سیدنا ابوسعید خدری رضی اللہ عنہ فرماتے ہیں کہ نبی اکرم صلی اللہ علیہ وسلم نے فرمایا: بے شک اللہ تعالیٰ اپنے مومن بندے کو دنیا سے بچاتا ہے، حالانکہ بندہ اس کو کھانا چاہتا ہے، جیسا کہ تم اپنے مریض کو اس کی طبیعت کی خرابی کے خوف سے کھانے پینے کی چیزوں سے بچاتے ہو۔ ٭٭ سیدنا ابوسعید سے اسی طرح حدیث مروی ہے، اور عمارہ بن غزیہ کی قتادہ بن نعمان سے مروی حدیث میں بھی یہی مفہوم ہے۔ اور ہمارے نزدیک یہ دونوں اسنادیں میرے نزدیک صحیح ہیں۔ [المستدرك على الصحيحين/كِتَابُ الطِّبِّ/حدیث: 7653]