سیدنا عقبہ بن عامر رضی اللہ عنہ فرماتے ہیں: رسول اللہ صلی اللہ علیہ وسلم کی بارگاہ میں ایک آدمی آیا اور کہنے لگا: یا رسول اللہ صلی اللہ علیہ وسلم اگر کوئی شخص گناہ کرے تو؟ حضور صلی اللہ علیہ وسلم نے فرمایا: وہ لکھ لیا جاتا ہے۔ اس نے کہا: وہ آدمی اس سے توبہ کر لے تو؟ آپ صلی اللہ علیہ وسلم نے فرمایا: اس کی توبہ قبول کر لی جاتی ہے اور اس کو بخش دیا جاتا ہے، اس نے کہا: اگر وہ پھر گناہ کرے؟ آپ صلی اللہ علیہ وسلم نے فرمایا: وہ لکھ لیا جاتا ہے، (یہ لکھنے اور معاف کرنے سے) اللہ تعالیٰ نہیں اکتاتا، بندہ اکتا جاتا ہے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ التَّوْبَةِ وَالْإِنَابَةِ/حدیث: 7851]