سیدنا ابوہریرہ رضی اللہ عنہ فرماتے ہیں کہ نبی اکرم صلی اللہ علیہ وسلم نے ارشاد فرمایا: تم ایسی دولت مندی کا انتظار کر رہے ہو جس میں سرکشی ہو، یا ایسے فقر کا انتظار کر رہے ہو جو (خدا کی یاد) بھلانے والا ہو، یا ایسی بیماری کا انتظار کر رہے ہو جو تباہی لائے، یا ایسے بڑھاپے کا جس میں تمہاری عقل میں خلل آ جاتا ہے، یا ناگہانی موت کا، یا دجال کا۔ اور دجال غائب شر ہے اس کا انتظار کیا جاتا ہے یا قیامت کا اور قیامت نہایت کڑی اور سخت کڑوی ہے۔ ٭٭ امام حاکم کہتے ہیں: اگر معمر بن راشد نے مقبری سے سماع کیا ہے تو یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كِتَابُ الرِّقَاقِ/حدیث: 8104]