سیدنا عبداللہ بن عباس رضی اللہ عنہما فرماتے ہیں: سیدنا علی ابن ابی طالب رضی اللہ عنہ کے پاس ملاعنہ کے بچے کا جھگڑا لایا گیا، آپ نے اس کی ماں کو اس کا عصبہ قرار دے کر اس کی پوری میراث اس کی ماں کو عطا فرمائی۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ اور اس کی سند میں جو محمد بن اسحاق ہیں یہ بلاشک و شبہ صغانی ہیں۔ [المستدرك على الصحيحين/كِتَابُ الْفَرَائِضِ/حدیث: 8188]

سیدنا عبداللہ بن عباس رضی اللہ عنہما فرماتے ہیں کہ نبی اکرم صلی اللہ علیہ وسلم نے ارشاد فرمایا: ولاء نسبی رشتہ کی مانند ایک رشتہ دار ہے، اسے نہ بیچا جا سکتا ہے اور نہ ہبہ کیا جا سکتا ہے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ الْفَرَائِضِ/حدیث: 8189]