سیدنا عبداللہ بن عمرو رضی اللہ عنہما فرماتے ہیں کہ رسول اللہ صلی اللہ علیہ وسلم نے ارشاد فرمایا: عنقریب ایسا زمانہ آئے گا، اس میں لوگ قتل کر دیے جائیں گے، اور سطحی سے لوگ باقی بچیں گے، ان کے وعدے اور امانتیں ناقابل اعتماد ہوں گی اور ان کا آپس میں اختلاف شروع ہو جائے گا اور وہ اس طرح ہو جائیں گے۔ یہ فرماتے ہوئے حضور صلی اللہ علیہ وسلم نے اپنے ایک ہاتھ کی انگلیاں دوسرے ہاتھ کی انگلیوں میں ڈالیں۔ صحابہ کرام رضی اللہ عنہم نے عرض کی: یا رسول اللہ صلی اللہ علیہ وسلم ایسے حالات کے لئے آپ ہمیں کیا مشورہ دیتے ہیں؟ آپ صلی اللہ علیہ وسلم نے فرمایا: تم اس کو لینا جس کو تم اچھی طرح پہچانتے ہو اور جس کو نہیں جانتے، اس کو چھوڑ دینا، اور تم اپنے خاص لوگوں کی بات کو قبول کرو گے، اور عوام الناس کے امور کو چھوڑ دو گے، سعید بن منصور فرماتے ہیں: حثالۃ الناس، حقیر و رذیل لوگوں کو کہتے ہیں۔ اور (مرجت عہودہم) کا مطلب یہ ہے کہ وہ وعدہ نہیں نبھائیں گے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ الْفِتَنِ وَالْمَلَاحِمِ/حدیث: 8544]