سیدنا حذیفہ رضی اللہ عنہ فرماتے ہیں: فتنے میں وقفہ ہو گا، اور ٹھہراؤ ہو گا، جو کوئی اس کے وقفے میں مر سکے، اس کو مر جانا چاہئے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ الْفِتَنِ وَالْمَلَاحِمِ/حدیث: 8538]

سیدنا مرہ بہزی فرماتے ہیں کہ رسول اللہ صلی اللہ علیہ وسلم نے ارشاد فرمایا: زمین پر گائے کے سینگ کی مانند فتنے برپا ہوں گے، ایک آدمی سر چھپائے ہوئے وہاں سے گزرا، آپ صلی اللہ علیہ وسلم نے اس کی طرف دیکھ کر فرمایا: یہ شخص اس دن حق پر ہو گا، میں اٹھ کر اس کی جانب بڑھا، میں نے اس کی چادر پکڑ لی، اور کہا: یا رسول اللہ صلی اللہ علیہ وسلم یہ آدمی؟ آپ صلی اللہ علیہ وسلم نے فرمایا: جی ہاں۔ آپ فرماتے ہیں: وہ سیدنا عثمان رضی اللہ عنہ تھے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ الْفِتَنِ وَالْمَلَاحِمِ/حدیث: 8539]

ابوحبیبہ کے بارے میں مروی ہے کہ وہ سیدنا عثمان رضی اللہ عنہ کی حویلی میں گئے، سیدنا عثمان رضی اللہ عنہ کا اس وقت محاصرہ ہو چکا تھا، انہوں نے سنا ہے کہ سیدنا ابوہریرہ رضی اللہ عنہ نے سیدنا عثمان رضی اللہ عنہ سے گفتگو کی اجازت مانگی، سیدنا عثمان رضی اللہ عنہ نے اجازت عطا فرمائی، سیدنا ابوہریرہ رضی اللہ عنہ کھڑے ہوئے، اللہ تعالیٰ کی حمد و ثناء کے بعد فرمایا: میں نے رسول اللہ صلی اللہ علیہ وسلم کو یہ فرماتے ہوئے سنا ہے کہ تم میرے بعد فتنے اور اختلافات دیكھو گے، ایک آدمی نے پوچھا: یا رسول اللہ صلی اللہ علیہ وسلم ان حالات میں آپ کا ہمارے لئے کیا حکم ہے؟ حضور صلی اللہ علیہ وسلم نے فرمایا: تم اپنے امیر اور اس کے ساتھیوں کے ساتھ رہنا۔ سیدنا ابوہریرہ رضی اللہ عنہ کا اشارہ سیدنا عثمان رضی اللہ عنہ کی جانب تھا۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ الْفِتَنِ وَالْمَلَاحِمِ/حدیث: 8540]

سیدنا رويفع بن ثابت انصاری رضی اللہ عنہ فرماتے ہیں: رسول اللہ صلی اللہ علیہ وسلم کی بارگاہ میں خشک اور تر کھجوریں پیش کی گئیں، صحابہ کرام رضی اللہ عنہم نے کھا کر وہ سب ختم کر دیں، سوائے ایک گٹھلی کے اور سوائے اس چیز کے جو کسی کام کی نہیں تھی، رسول اللہ صلی اللہ علیہ وسلم نے فرمایا: تم جانتے ہو کہ یہ کیا چیز ہے؟ تم میں اچھے لوگ ایک ایک کر کے جاتے رہیں گے حتی کہ تم میں سے صرف اس گٹھلی کی مانند لوگ رہ جائیں گے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ ٭٭ ابوحمید الطائی کی روایت کردہ درج ذیل حدیث مذکورہ حدیث کی شاہد ہے۔ [المستدرك على الصحيحين/كِتَابُ الْفِتَنِ وَالْمَلَاحِمِ/حدیث: 8541]

ابوحمید فرماتے ہیں کہ سیدنا ابوہریرہ رضی اللہ عنہ نے رسول اللہ صلی اللہ علیہ وسلم کا یہ ارشاد نقل فرمایا ہے ” تمہاری صفائی ہو گی جیسا کہ کھجور کو شراب کشید کرنے والے برتن سے بچایا جاتا ہے، تم میں سے اچھے لوگ چلے جائیں گے اور شریر لوگ رہ جائیں گے۔ اس وقت اگر تم مر سکو، تو مر جانا۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ الْفِتَنِ وَالْمَلَاحِمِ/حدیث: 8542]

0 [المستدرك على الصحيحين/كِتَابُ الْفِتَنِ وَالْمَلَاحِمِ/حدیث: 8543]