سیدنا عبداللہ بن مسعود رضی اللہ عنہ نے فتنے کا ذکر کیا اور فرمایا: آدمی اپنے گھر سے نکلے گا، اس وقت اس کے ساتھ اس کا دین ہو گا، لیکن جب وہ لوٹ کر آئے گا تو اس کے پاس کچھ بھی دین نہیں ہو گا، وہ ایک ایسے آدمی کے پاس جائے گا جو كسی قسم کے نفع و نقصان کا مالک نہیں ہو گا، وہ اس کے پاس جا کر قسمیں کھا کھا کر اس کی تعریفیں کرے گا، اور وہ وہاں سے اپنی ضرورت کی چیز لے کر لوٹے گا، اور اس کے اس طرز عمل پر اللہ تعالیٰ اس سے ناراض ہو گا۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كِتَابُ الْفِتَنِ وَالْمَلَاحِمِ/حدیث: 8552]