محمد بن سیرین کہتے ہیں: جرعہ (کوفہ کے قریب ایک جگہ کا نام ہے جب سیدنا عثمان غنی رضی اللہ عنہ نے سعید بن العاص کو وہاں پر والی مقرر کیا تو اہل کوفہ نے مقام جرعہ میں آ کر اس کے خلاف احتجاج کیا اور مطالبہ کیا کہ سیدنا ابوموسیٰ اشعری رضی اللہ عنہ کو ان کا والی مقرر کیا جائے) کے موقعہ پر جندب نے کہا: اللہ کی قسم، خون ضرور بہیں گے، ایک آدمی نے کہا: اللہ کی قسم! ہرگز نہیں، آپ فرماتے ہیں: میں نے کہا: میں آج تمہیں برا دوست سمجھتا ہوں، تم تو سن رہے ہو کہ میں یہ بات کر رہا ہوں، (میں اپنی طرف سے نہیں کہہ رہا بلکہ) میں نے یہ بات رسول اللہ صلی اللہ علیہ وسلم کو فرماتے ہوئے سنا ہے، لہذا وہ مجھے منع نہ فرمائے، انہوں نے کہا: تمہیں غصہ کیوں آ رہا ہے؟ انہوں نے کہا: میں اس کے بارے میں پوچھنے لگ گیا، پتا چلا کہ وہ تو سیدنا حذیفہ بن یمان ہیں۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كِتَابُ الْفِتَنِ وَالْمَلَاحِمِ/حدیث: 8666]