سیدنا عبداللہ بن عمرو رضی اللہ عنہما فرماتے ہیں: یاجوج و ماجوج کا پہلا فرد دریائے دجلہ جیسے دریا سے گزرے گا، جب اس لشکر کا آخری شخص وہاں سے گزرے گا تو وہ کہے گا: کبھی اس دریا میں پانی ہوتا تھا۔ ان کا جو بھی آدمی مرے گا وہ ہزار سے زیادہ اپنی اولادیں چھوڑ کر مرے گا، ان کے بعد تین امتیں آئیں گی، تاویس، تاویل اور ناسک یا منسک۔ شعبہ کو شک ہے کہ یہاں پر لفظ ناسک بیان کیا یا منسک۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كِتَابُ الْفِتَنِ وَالْمَلَاحِمِ/حدیث: 8715]