سیدنا ابوسعید خدری رضی اللہ عنہ فرماتے ہیں كہ رسول اللہ صلی اللہ علیہ وسلم نے ارشاد فرمایا: اگر دوزخ کا ایک ڈول دنیا میں انڈیل دیا جائے تو اس سے ساری دنیا بدبودار ہو جائے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس كو نقل نہیں كیا۔ [المستدرك على الصحيحين/كِتَابُ: الْأَهْوَالِ/حدیث: 8993]

سیدنا مطرف فرماتے ہیں: ان كی دو بیویاں تھیں، آپ ان میں سے ایک کے پاس آئے، وہ ان کا عمامہ اتارتے ہوئے بولی: آپ اپنی بیوی کے پاس سے آئے ہیں؟ انہوں نے كہا: میں سیدنا عمران بن حصین رضی اللہ عنہ کے پاس سے آیا ہوں، انہوں نے فرمایا كہ نبی اكرم صلی اللہ علیہ وسلم نے ارشاد فرمایا: جنت میں عورتوں كی تعداد كم ہو گی۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح الاسناد ہے لیکن شیخین رحمۃ اللہ علیہما نے اس كو اس اسناد کے ہمراہ نقل نہیں كیا۔ [المستدرك على الصحيحين/كِتَابُ: الْأَهْوَالِ/حدیث: 8994]

عمارہ بن خزیمہ بن ثابت بیان كرتے ہیں كہ كسی حج یا عمرے کے موقع پر ہم سیدنا عمرو بن العاص کے ہمراہ تھے، جب ہم مرالظہران پہنچے تو ہم نے ایک عورت كو دیكھا، وہ اپنے كجاوے میں بیٹھی ہوئی تھی، كجاوے کے اوپر اپنا ہاتھ ركھا ہوا تھا، ان کے ہاتہ میں انگوٹھیاں تھیں، جب ہم وادی میں اترے تو ہم نے بہت سارے كوے دیكھے، ان میں ایک كوا ایسا تھا جس كی چونچ اور پاؤں سرخ تھے، رسول اللہ صلی اللہ علیہ وسلم نے فرمایا: جنت میں عورتوں کا تناسب اتنا ہی ہو گا جتنا ان كووں میں سرخ چونچ اور پاؤں والا۔ ٭٭ یہ حدیث امام مسلم رحمۃ اللہ علیہ کے معیار کے مطابق صحیح ہے لیکن شیخین نے اس كو نقل نہیں كیا۔ [المستدرك على الصحيحين/كِتَابُ: الْأَهْوَالِ/حدیث: 8995]

سیدنا عمارہ بن خزیمہ بن ثابت فرماتے ہیں: ہم کسی حج یا عمرے کے موقع پر سیدنا عمرو بن العاص رضی اللہ عنہ کے ہمراہ تھے، ہم نے ایک عورت دیکھی جس کے ہاتھ میں انگوٹھیاں تھیں، اس نے اپنا ہاتھ ہودج (کجاوے) پر رکھا ہوا تھا، سیدنا عمرو بن العاص رضی اللہ عنہما وادی میں اترے پھر فرمایا: ہم رسول اللہ صلی اللہ علیہ وسلم کے ہمراہ اسی وادی میں تھے، یہاں بہت سارے کوے تھے، ان میں ایک کوا ایسا تھا جس کی چونچ اور پاؤں سرخ تھے، رسول اللہ صلی اللہ علیہ وسلم نے فرمایا: جنت میں جانے والی عورتوں کا تناسب اتنا ہی ہو گا جتنا ان کووں میں اس کوے کا ہے۔ ٭٭ یہ حدیث امام مسلم رحمۃ اللہ علیہ کے معیار کے مطابق صحیح ہے لیکن شیخین نے اس کو نقل نہیں کیا۔ [المستدرك على الصحيحين/كِتَابُ: الْأَهْوَالِ/حدیث: 8996]