حضرت ابن عون فرماتے ہیں کہ حضرت محمد اس بات کو ناپسند فرماتے تھے کہ سجدہ کرتے وقت اپنے پاؤں کی انگلیوں کو پاؤں کے نچلے حصے کے ساتھ ملا دے۔ وہ فرماتے تھے کہ انہیں کھلا رکھنا چاہئے۔ [مصنف ابن ابي شيبه/كتاب الصلوات/حدیث: 2710]

حضرت ابو بختری فرماتے ہیں کہ جب تم سجدہ کرو تو اپنے پاؤں کو کھڑا رکھو۔ [مصنف ابن ابي شيبه/كتاب الصلوات/حدیث: 2711]

حضرت وائل فرماتے ہیں کہ میں نے نبی کریم صلی اللہ علیہ وآلہ وسلم کو پیشانی اور ناک پر سجدہ کرتے دیکھا۔ [مصنف ابن ابي شيبه/كتاب الصلوات/حدیث: 2712]

حضرت ابن عباس رضی اللہ عنہما فرماتے ہیں کہ جب تم میں سے کوئی سجدہ کرے تو اپنی ناک کو خوب اچھی طرح زمین سے لگا کررکھے۔ کیونکہ اللہ تعالیٰ تم سے یہی چاہتے ہیں۔ [مصنف ابن ابي شيبه/كتاب الصلوات/حدیث: 2713]

حضرت ابراہیم فرماتے ہیں کہ سجدہ پیشانی اور ناک پر ہوتا ہے۔ [مصنف ابن ابي شيبه/كتاب الصلوات/حدیث: 2714]

حضرت عبدا للہ بن عیسیٰ فرماتے ہیں کہ ایک مرتبہ حضرت عبد الرحمن بن ابی لیلیٰ میرے پاس سے گذرے، میں سجدے کی حالت میں تھا، انہوں نے مجھ سے فرمایا کہ اے ابن عیسیٰ! اپنی ناک کو اللہ کے لئے رکھ دو۔ [مصنف ابن ابي شيبه/كتاب الصلوات/حدیث: 2715]

حضرت سعید بن جبیر فرماتے ہیں کہ آدمی کی نماز اس وقت تک مکمل نہیں ہوسکتی جب تک وہ اپنی پیشانی کی طرح ناک کو بھی زمین پر نہ لگادے۔ [مصنف ابن ابي شيبه/كتاب الصلوات/حدیث: 2716]

ایوب فرماتے ہیں کہ مجھے بتایا گیا کہ کسی نے حضرت طاوس سے پوچھا کہ کیا سجدہ ناک پر کرنا چاہئے؟ انہوں نے فرمایا کہ کیا ناک چہرے کا سب سے معزز حصہ نہیں ہے۔ [مصنف ابن ابي شيبه/كتاب الصلوات/حدیث: 2717]

حضرت عاصم فرماتے ہیں کہ اگر حضرت ابن سیرین کسی ایسی جگہ سجدہ کرتے جہاں ان کی ناک زمین پر نہ لگتی تو وہ دوسری جگہ سجدہ کرتے تھے۔ [مصنف ابن ابي شيبه/كتاب الصلوات/حدیث: 2718]

حضرت ثابت بن قیس فرماتے ہیں کہ میں نے حضرت نافع بن جبیر کو دیکھا کہ ان کی ناک زمین پر لگ رہی ہوتی تھی۔ [مصنف ابن ابي شيبه/كتاب الصلوات/حدیث: 2719]