حضرت جابر فرماتے ہیں کہ جب آگے کھڑا شخص اپنا سر اٹھائے تو پھر یہ سجدہ کرے۔ [مصنف ابن ابي شيبه/كتاب الصلوات/حدیث: 2750]

حضرت عمر فرماتے ہیں کہ اگر جمعہ کے دن تمہیں سجدہ کرنے کی جگہ نہ ملے تو اپنے بھائی کی کمر پر سجدہ کرلو۔ [مصنف ابن ابي شيبه/كتاب الصلوات/حدیث: 2751]

ایک اور سند سے یونہی منقول ہے۔ [مصنف ابن ابي شيبه/كتاب الصلوات/حدیث: 2752]

حضرت عبد اللہ بن عبدا لرحمن فرماتے ہیں کہ نبی کریم صلی اللہ علیہ وآلہ وسلم ہمارے پاس تشریف لائے، آپ نے ہمیں بنو عبد الاشہل کی مسجد میں نماز پڑھائی، میں نے دیکھا کہ آپ نے سجدہ میں اپنے ہاتھ اپنے کپڑے میں رکھے ہوئے تھے۔ [مصنف ابن ابي شيبه/كتاب الصلوات/حدیث: 2753]

حضرت مجاہد یا حضرت وبرہ فرماتے ہیں کہ حضرت ابن عمر رضی اللہ عنہما ایک چادر اوڑھتے اور پھر اسی میں سجدہ کیا کرتے تھے۔ [مصنف ابن ابي شيبه/كتاب الصلوات/حدیث: 2754]

حضرت ابو الضحیٰ فرماتے ہیں کہ میں نے حضرت شریح کو دیکھا کہ وہ اپنے سر پر لئے ہوئے کپڑے میں سجدہ کررہے تھے۔ [مصنف ابن ابي شيبه/كتاب الصلوات/حدیث: 2755]

حضرت عبد الرحمن بن اسود اپنے والد کے بارے میں فرماتے ہیں کہ وہ اپنے سر کے لمبے کپڑے میں سجدہ کرتے اور اپنے ہاتھوں کو اس سے باہر نہیں نکالا کرتے تھے۔ [مصنف ابن ابي شيبه/كتاب الصلوات/حدیث: 2756]

حضرت حسن بن عبیدا للہ فرماتے ہیں کہ میں نے حضرت اسود کو دیکھا کہ وہ اپنے سر پر لئے ہوئے کپڑے میں سجدہ کررہے تھے۔ اور میں نے عبد الرحمن بن یزید کو دیکھا کہ وہ ایک شامی چادر میں سجدہ کررہے تھے۔ [مصنف ابن ابي شيبه/كتاب الصلوات/حدیث: 2757]

حضرت یونس فرماتے ہیں کہ حضرت حسن اپنی چادر میں سجدہ کررہے تھے۔ [مصنف ابن ابي شيبه/كتاب الصلوات/حدیث: 2758]

حضرت اعمش فرماتے ہیں کہ میں نے حضرت یحییٰ بن وثاب کو دیکھا کہ وہ دو ستونوں کے درمیان پنی لمبی آستینوں والی قمیص پہنے نماز پڑھ رہے تھے، وہ لوگوں کو نماز پڑھا رہے تھے اور ان کے ہاتھ اس چادر کے اندر تھے۔ [مصنف ابن ابي شيبه/كتاب الصلوات/حدیث: 2759]