حضرت عبد اللہ بن مسلم فرماتے ہیں کہ میرے والد جب آیت سجدہ پڑھتے تو اللَّہُ أَکْبَرُ کہہ کر سجدہ کیا کرتے تھے۔ [مصنف ابن ابي شيبه/باب سجود التلاوة/حدیث: 4233]

حضرت عطاء بن سائب کہتے ہیں کہ حضرت ابو عبد الرحمن جب چلتے ہوئے آیت سجدہ پڑھتے تو تکبیر کہہ کر اس طرف جھک جاتے جس طرف ان کا منہ ہوتا اور پھر سر اٹھاتے ہوئے بھی تکبیر کہتے۔ [مصنف ابن ابي شيبه/باب سجود التلاوة/حدیث: 4234]

حضرت عامر فرماتے ہیں کہ جب تم آیت سجدہ پڑھو تو تکبیر کہو۔ [مصنف ابن ابي شيبه/باب سجود التلاوة/حدیث: 4235]

حضرت ابو عبد الرحمن سلمی فرماتے ہیں کہ ہم چلتے ہوئے حضرت ابو عبد الرحمن سے پڑھا کرتے تھے۔ جب وہ کوئی آیتِ سجدہ پڑھتے تو اللہ اکبر کہہ کر اشارے کے ساتھ جھکتے اور سلام پھیرتے تھے۔ اور انہوں نے بتایا کہ حضرت ابن مسعود رضی اللہ عنہ بھی ایسا ہی کیا کرتے تھے۔ [مصنف ابن ابي شيبه/باب سجود التلاوة/حدیث: 4236]

حضرت ابراہیم فرماتے ہیں کہ حضرت عبد اللہ کے شاگرد اگر چلتے ہوئے آیتِ سجدہ پڑھتے تو اشارے سے جھک جایا کرتے تھے۔ [مصنف ابن ابي شيبه/باب سجود التلاوة/حدیث: 4237]

حضرت اسود اگر چلتے ہوئے آیتِ سجدہ پڑھتے تو اشارے سے جھک جایا کرتے تھے۔ [مصنف ابن ابي شيبه/باب سجود التلاوة/حدیث: 4238]

حضرت علقمہ اگر چلتے ہوئے آیتِ سجدہ پڑھتے تو اشارے سے جھک جایا کرتے تھے۔ [مصنف ابن ابي شيبه/باب سجود التلاوة/حدیث: 4239]

حضرت اشعث کہتے ہیں کہ میں نے کردوس سے سوال کیا کہ اگر کوئی آدمی چلتے ہوئے آیت سجدہ پڑھے تو وہ کیا کرے؟ انہوں نے فرمایا کہ وہ اشارے سے جھک جائے۔ [مصنف ابن ابي شيبه/باب سجود التلاوة/حدیث: 4240]

حضرت عمارہ بن قعقاع فرماتے ہیں کہ ابو زرعہ بن عمرو بن جریر نے آیت سجدہ پڑھنے پر جھکنے کا ذکر کیا تو میں نے انہیں بتایا کہ حضرت ابراہیم نے ایک مرتبہ چلتے ہوئے آیت سجدہ پڑھی تو اشارے سے جھک گئے تھے۔ [مصنف ابن ابي شيبه/باب سجود التلاوة/حدیث: 4241]

ابراہیم تیمی کہتے ہیں کہ میں راستے میں اپنے والد کو (قرآن) سناتا اور وہ مجھے سناتے، جب وہ آیت سجدہ پر پہنچتے تو سجدہ کرتے۔ میں نے ان سے پوچھا کیا آپ راستے میں سجدہ کرتے ہیں؟ انہوں نے فرمایا ہاں۔ [مصنف ابن ابي شيبه/باب سجود التلاوة/حدیث: 4242]