حضرت حماد فرماتے ہیں کہ ابراہیم، حضرت نافع اور حضرت سعید بن جبیر نے فرمایا کہ جس نے آیت سجدہ سنی اس پر سجدہ لازم ہے۔ [مصنف ابن ابي شيبه/باب سجود التلاوة/حدیث: 4273]

حضرت ابوعبد الرحمن فرماتے ہیں کہ ایک مرتبہ حضرت سلمان مسجد میں داخل ہوئے تو لوگ قرآن پڑھ رہے تھے۔ انہوں نے آیت سجدہ کی تلاوت کی اور سجدہ کیا۔ ان کے ساتھی نے حضرت سلمان سے کہا کہ اے ابو عبد اللہ! اگر ہم ان لوگوں کے پاس چلے جائیں؟ انہوں نے فرمایا کہ ہم یہاں اس لئے تو نہیں آئے۔ [مصنف ابن ابي شيبه/باب سجود التلاوة/حدیث: 4274]

حضرت ابو العلاء فرماتے ہیں کہ حضرت مطرف سے اس شخص کے بارے میں سوال کیا جسے آیت سجدہ کے بارے میں شک ہوگیا کہ اس نے سنی ہے یا نہیں سنی، تو وہ کیا کرے؟ انہوں نے فرمایا کہ اگر اس نے سن بھی لی ہو تو کیا ہوا؟ پھر حضرت مطرف نے فرمایا کہ میں نے حضرت عمران بن حصین سے اس شخص کے بارے میں سوال کیا تھا جسے یہ شک ہوجائے کہ اس نے آیت سجدہ سنی ہے یا نہیں تو وہ کیا کرے؟ انہوں نے فرمایا تھا کہ اگر اس نے سن بھی لی ہو تو کیا ہوا؟ [مصنف ابن ابي شيبه/باب سجود التلاوة/حدیث: 4275]

حضرت ابن عمر رضی اللہ عنہما فرماتے ہیں کہ سجدہ اس پر لازم ہے جو آیت سجدہ کو سنے۔ [مصنف ابن ابي شيبه/باب سجود التلاوة/حدیث: 4276]

حضرت عمر فرماتے ہیں کہ مفصّل میں سجودِ تلاوت نہیں ہیں۔ [مصنف ابن ابي شيبه/باب سجود التلاوة/حدیث: 4277]

حضرت ابن عباس رضی اللہ عنہما فرماتے ہیں کہ مفصّل میں سجودِ تلاوت نہیں ہیں۔ [مصنف ابن ابي شيبه/باب سجود التلاوة/حدیث: 4278]

حضرت ابن عباس رضی اللہ عنہما فرمایا کرتے تھے کہ مفصل میں سجودِ تلاوت نہیں ہیں۔ [مصنف ابن ابي شيبه/باب سجود التلاوة/حدیث: 4279]

حضرت سعید بن جبیر فرماتے ہیں کہ مفصّل میں سجودِ تلاوت نہیں ہیں۔ [مصنف ابن ابي شيبه/باب سجود التلاوة/حدیث: 4280]

حضرت حسن فرماتے ہیں کہ مفصّل میں سجودِ تلاوت نہیں ہیں۔ [مصنف ابن ابي شيبه/باب سجود التلاوة/حدیث: 4281]

حضرت ابن المسیب، حضرت عکرمہ اور حضرت حسن فرماتے ہیں کہ مفصّل میں سجودِ تلاوت نہیں ہیں۔ [مصنف ابن ابي شيبه/باب سجود التلاوة/حدیث: 4282]