حضرت جابر بن عبد اللہ رضی اللہ عنہ سے مروی ہے کہ نبی کریم صلی اللہ علیہ وآلہ وسلم نے غروہ احد کے شھداء کی نہ نماز جنازہ پڑھی اور نہ ہی ان کو غسل دیا۔ [مصنف ابن ابي شيبه/كتاب الجنائز/حدیث: 11331]

حضرت عبد اللہ بن عمر رضی اللہ عنہما فرماتے ہیں کہ حضرت عمر کو کفن دیا گیا غسل دیا گیا اور خوشبو لگائی گی۔ [مصنف ابن ابي شيبه/كتاب الجنائز/حدیث: 11332]

حضرت عبد اللہ بن عمر رضی اللہ عنہما سے اسی طرح منقول ہے، اور آخر میں فرماتے ہیں کہ آپ افضل الشھداء میں سے ہیں۔ [مصنف ابن ابي شيبه/كتاب الجنائز/حدیث: 11333]

حضرت ابراھیم فرماتے ہیں کہ جب کوئی شخص معرکہ میں شہید ہو تو اس کو انہی کپڑوں میں دفن کردیا جائے گا اور غسل نہیں دیا جائے گا۔ [مصنف ابن ابي شيبه/كتاب الجنائز/حدیث: 11334]

حضرت شعبی فرماتے ہیں کہ جب حضرت علی رضی اللہ عنہ نے شراحہ کا رجم کیا تو ھمدان حضرت علی رضی اللہ عنہ کے پاس آئے اور عرض کیا: اس کو کس طرح دفن کریں؟ (اس کے ساتھ کیا معاملہ کریں؟) آپ نے فرمایا عورت جب گھر میں فوت ہوجائے اس کے ساتھ جو معاملہ کیا جاتا ہے اس کے ساتھ بھی وہی معاملہ برتو۔ [مصنف ابن ابي شيبه/كتاب الجنائز/حدیث: 11335]

حضرت ابن بریدہ اپنے والد سے روایت کرتے ہیں کہ جب حضرت ماعز کو رجم کیا گیا تو صحابہ کرام نے عرض کیا: اے اللہ کے رسول! اس کے ساتھ (دفن کرنے میں) کیا معاملہ کریں؟ آپ نے فرمایا: اس کے ساتھ وہی معاملہ کرو جو تم اپنے مردوں کے ساتھ کرتے ہو، غسل دو، کفن دو، خوشبو لگاؤ اور اس کی نماز جنازہ پڑھو۔ [مصنف ابن ابي شيبه/كتاب الجنائز/حدیث: 11336]

حضرت عطاء فرماتے ہیں کہ جو شخص ڈوب کر مرے اسکو غسل دیا جائے گا، کفن پہنایا جائے گا اور اسکو خوشبو لگائی جائے گی اور اسکے ساتھ عام مردوں والا برتاؤ ہوگا۔ [مصنف ابن ابي شيبه/كتاب الجنائز/حدیث: 11337]

حضرت عطاء فرماتے ہیں کہ جب کوئی جنبی یا حائضہ فوت ہوجائے تو ان دونوں کے ساتھ عام مردوں جیسا معاملہ ہوگا۔ [مصنف ابن ابي شيبه/كتاب الجنائز/حدیث: 11338]

حضرت حسن فرماتے ہیں کہ جب جنبی فوت ہوجائے تو جنابت کا غسل دیا جائے گا اور پھر غسل میت دیا جائے گا اور اسی طرح اگر کوئی حائضہ عورت پاک ہونے کے بعد غسل سے پہلے مرجائے اسکا بھی یہی حکم ہے۔ [مصنف ابن ابي شيبه/كتاب الجنائز/حدیث: 11339]

حضرت حکیم بن جابر فرماتے ہیں کہ جب حضرت ابن قیس کا انتقال ہوا تو حضرت حسن بن علی رضی اللہ عنہ نے فرمایا: جب تم اسے غسل دے دو تو دفن میں جلدی نہ کرنا جب تک کہ مجھے نہ بلا لو، پھر ہم نے ان کو بلایا تو آپ تشریف لائے اور وضو خوشبو کے ساتھ کروایا (وضو کے مقامات پر خوشبو لگائی)۔ [مصنف ابن ابي شيبه/كتاب الجنائز/حدیث: 11340]