ایوب فرماتے ہیں کہ انس بن سیرین کی بیٹی فوت ہوگئی جس کو پہلا حیض آچکا تھا، حضرت ابن سیرین نے حکم دیا کہ اس کو ایک قمیص میں اور دو لفافوں میں کفن دو۔ [مصنف ابن ابي شيبه/كتاب الجنائز/حدیث: 11431]

حضرت حسن فرماتے ہیں کہ جو بچی ابھی تک بالغہ نہ ہوئی اگر وہ فوت ہوجائے تو اس کو ایک کپڑے میں کفن دیں گے۔ [مصنف ابن ابي شيبه/كتاب الجنائز/حدیث: 11432]

حضرت ہشام فرماتے ہیں کہ میں نے حضرت ام حمید بنت سیرین سے دریافت کیا: کیا آپ نے حضرت حفصہ کو دیکھا ہے کہ جب وہ (میت کو) غسل دیتیں تو عورت کی اوڑھنی کس طرح اوڑھاتی تھیں؟ آپ نے فرمایا ہاں، وہ اس کو اوڑھنی اس طرح اوڑھاتی تھیں جس طرح زندہ کو اوڑھائی جاتی ہے، پھر ایک ذراع کی بقدر بچی ہوئی او ڑھنی کو پچھلی جانب بچھا دیتیں، پھر اس بچے ہوئے حصہ کو پھیرتیں اور اس سے اس کے چہرہ کو ڈھانپ دیتیں۔ [مصنف ابن ابي شيبه/كتاب الجنائز/حدیث: 11433]

حسن میت کے بارے میں فرماتے ہیں کہ عمامہ کو میت کے سر کے درمیان رکھیں گے اور پھر اس کے دونوں کناروں کو اس کے جسم پر اس طرح ایک دوسرے کے مخالف پھیریں گے۔ [مصنف ابن ابي شيبه/كتاب الجنائز/حدیث: 11434]

راوی کہتے ہیں کہ حضرت ابن سیرین ارشاد فرماتے ہیں کہ میت کو اسی طرح عمامہ باندھیں گے جس طرح زندہ کو باندھا جاتا ہے۔ [مصنف ابن ابي شيبه/كتاب الجنائز/حدیث: 11435]

حضرت ابراہیم فرماتے ہیں کہ میت کے کپڑوں دھونی دیں گے اس کو کفن دینے سے پہلے۔ [مصنف ابن ابي شيبه/كتاب الجنائز/حدیث: 11436]

حسن فرماتے ہیں کہ میت کے کپڑوں کو (کفن) ہینگر وغیرہ پر لٹکا کر دھونی دیں گے۔ [مصنف ابن ابي شيبه/كتاب الجنائز/حدیث: 11437]

راوی کہتے ہیں کہ محمد بھی یہی رائے رکھتے تھے، اگر وہ اس طرح کریں تو اچھا ہے، اور مجھے یہ زیادہ پسند ہے کہ اس کو کفن پہنانے کے بعد جب کپڑے اس پر ہوں تب ان کو دھونی دی جائے، کیونکہ اس سے ان کی خوشبو زیادہ دیر باقی رہتی ہے۔ [مصنف ابن ابي شيبه/كتاب الجنائز/حدیث: 11438]

حضرت حفص ارشاد فرماتے ہیں کہ میت کے صرف کپڑوں کو دھونی دیں گے۔ [مصنف ابن ابي شيبه/كتاب الجنائز/حدیث: 11439]

حضرت فاطمہ فرماتی ہیں کہ حضرت اسمائ کا جب آخری وقت آیا تو آپ نے فرمایا: جب میں مر جاؤں تو مجھے غسل دینا اور پھر مجھے کفن پہنانا اور پھر میرے کپڑوں کو دھونی دینا۔ [مصنف ابن ابي شيبه/كتاب الجنائز/حدیث: 11440]