حضرت ابو ہریرہ رضی اللہ عنہ سے مروی ہے کہ نبی کریم صلی اللہ علیہ وآلہ وسلم نے فرمایا: نجاشی فوت ہوگیا ہے۔ چناچہ آپ صلی اللہ علیہ وآلہ وسلم اور آپ کے صحابہ بقیع کی طرف نکلے، ہم نے آپ صلی اللہ علیہ وآلہ وسلم کے پیچھے صفیں باندھیں، اور حضور صلی اللہ علیہ وآلہ وسلم ہمارے آگے تھے آپ صلی اللہ علیہ وآلہ وسلم نے چار تکبیرات کہیں۔ [مصنف ابن ابي شيبه/كتاب الجنائز/حدیث: 11761]

حضرت عبد الرحمن بن ابزی فرماتے ہں ھ کہ حضرت زینب بنت جحش کا انتقال ہوا تو حضرت عمر نے نماز جنازہ میں چار تکبیرات پڑھیں، پھر ازواج مطہرات سے دریافت کیا کہ ان کو قبر میں کون اتارے؟ انہوں نے فرمایا: جو ان کی زندگی میں ان کے پاس آیا کرتا تھا۔ (جس کا ان سے پردہ نہیں تھا وہ)۔ [مصنف ابن ابي شيبه/كتاب الجنائز/حدیث: 11762]

حضرت عبدخیر فرماتے ہیں کہ حضرت علی رضی اللہ عنہ کا انتقال ہوا اس حال میں کہ آپ نماز جنازہ میں چار تکبیرات پڑھا کرتے تھے۔ [مصنف ابن ابي شيبه/كتاب الجنائز/حدیث: 11763]

حضرت عمیر بن سعید فرماتے ہیں کہ میں نے حضرت علی رضی اللہ عنہ کے پیچھے حضرت یزید بن المکفف کی نماز جنازہ پڑھی۔ آپ نے نماز جنازہ میں چار تکبیرات پڑھیں۔ [مصنف ابن ابي شيبه/كتاب الجنائز/حدیث: 11764]

حضرت علی رضی اللہ عنہ سے اسی طرح منقول ہے۔ [مصنف ابن ابي شيبه/كتاب الجنائز/حدیث: 11765]

حضرت ابراہیم فرماتے ہیں کہ حضرت عبد اللہ سے نماز جنازہ کی تکبیرات کے متعلق دریافت کیا گیا؟ آپ نے فرمایا کہ جنازے میں ہر طرح کا عمل کیا گیا ہے اور میں نے لوگوں کو (صحابہ کرام) کو چار تکبیرات پر جمع پایا۔ [مصنف ابن ابي شيبه/كتاب الجنائز/حدیث: 11766]

حضرت عبد اللہ فرماتے ہیں کہ نماز جنازہ میں چار تکبیرات ہیں تکبیر خروج سمیت۔ [مصنف ابن ابي شيبه/كتاب الجنائز/حدیث: 11767]

حضرت مہاجر ابی الحسن فرماتے ہیں کہ میں نے حضرت براء کے پیچھے نماز جنازہ پڑھی آپ نے اس میں چار تکبیرات کہیں۔ [مصنف ابن ابي شيبه/كتاب الجنائز/حدیث: 11768]

حضرت عقبہ بن عامر سے ایک شخص نے دریافت کیا جنازے میں کتنی تکبیرات ہیں؟ آپ نے فرمایا چار، میں نے عرض کیا دن اور رات برابر ہیں؟ آپ نے فرمایا دن اور رات برابر ہیں۔ [مصنف ابن ابي شيبه/كتاب الجنائز/حدیث: 11769]

حضرت زید بن طلحہ فرماتے ہیں کہ میں حضرت ابن عباس رضی اللہ عنہما کے پاس حاضر ہوا آپ نے جنازے پر چار تکبیرات پڑھیں۔ [مصنف ابن ابي شيبه/كتاب الجنائز/حدیث: 11770]