حضرت عمرو (راوی) فرماتے ہیں کہ میری جگہ اسی میں ہے۔ [مصنف ابن ابي شيبه/كتاب الحج/حدیث: 16211]

حضرت حفصہ بنت سیرین فرماتی ہیں کہ صحابہ کرام منیٰ کی دائیں جانب اترنا پسند فرماتے تھے۔ [مصنف ابن ابي شيبه/كتاب الحج/حدیث: 16212]

حضرت ابو جعفر سے مروی ہے کہ نبی کریم صلی اللہ علیہ وآلہ وسلم منیٰ کی داہنی جانب اترے۔ [مصنف ابن ابي شيبه/كتاب الحج/حدیث: 16213]

حضرت عبد اللہ اللہ پاک کے ارشاد { فَمَنْ تَعَجَّلَ فِیْ یَوْمَیْنِ فَلَآ اِثْمَ عَلَیْہِ } کے متعلق فرماتے ہیں کہ وہ بخشش شدہ ہیں، اور { وَ مَنْ تَاَخَّرَ فَلَآ اِثْمَ عَلَیْہِ } بھی بخشش شدہ ہیں۔ [مصنف ابن ابي شيبه/كتاب الحج/حدیث: 16214]

حضرت ابن عباس رضی اللہ عنہما اللہ پاک کے ارشاد { فَمَنْ تَعَجَّلَ فِیْ یَوْمَیْنِ فَلَآ اِثْمَ عَلَیْہِ وَ مَنْ تَاَخَّرَ فَلَآ اِثْمَ عَلَیْہِ } کے متعلق فرماتے ہیں کہ اس کے جلدی کرنے میں (گناہ گار نہیں ہیں)، اور وَ مَنْ تَاَخَّرَ کے متعلق فرماتے ہیں کہ اس کی تاخیر کرنے میں (گناہ گار نہیں ہیں)۔ [مصنف ابن ابي شيبه/كتاب الحج/حدیث: 16215]

حضرت معاویہ بن قرہ فرماتے ہیں کہ وہ گناہوں سے اسی طرح پاک ہو کر نکلیں گے جس طرح آج کے دن ان کی ماں نے ان کو جنا ہو۔ [مصنف ابن ابي شيبه/كتاب الحج/حدیث: 16216]

حضرت مجاہد اللہ پاک کے ارشاد { فَمَنْ تَعَجَّلَ فِیْ یَوْمَیْنِ فَلَآ اِثْمَ عَلَیْہِ } کے متعلق فرماتے ہیں آئندہ سال تک، اور { وَ مَنْ تَاَخَّرَ فَلَآ اِثْمَ عَلَیْہِ } کے متعلق فرماتے ہیں کہ آئندہ سال تک۔ [مصنف ابن ابي شيبه/كتاب الحج/حدیث: 16217]

حضرت حسن اللہ پاک کے ارشاد { فَمَنْ تَعَجَّلَ فِیْ یَوْمَیْنِ فَلَآ اِثْمَ عَلَیْہِ وَ مَنْ تَاَخَّرَ فَلَآ اِثْمَ عَلَیْہِ } کے متعلق فرماتے ہیں کہ اس کے جلدی کرنے میں۔ [مصنف ابن ابي شيبه/كتاب الحج/حدیث: 16218]

راوی فرماتے ہیں کہ حسن اللہ پاک کے ارشاد { فَمَنْ تَعَجَّلَ فِیْ یَوْمَیْنِ فَلَآ اِثْمَ عَلَیْہِ وَ مَنْ تَاَخَّرَ فَلَآ اِثْمَ عَلَیْہِ } کے متعلق فرمایا کرتے تھے کہ اس کے جلدی کرنے میں۔ [مصنف ابن ابي شيبه/كتاب الحج/حدیث: 16219]

حضرت عطاء اس میں کوئی حرج نہیں سمجھتے کہ کوئی شخص کعبہ کا طواف کرے، پھر دوسری مرتبہ کرے پھر تیسری مرتبہ کرے، صفا ومروہ کی سعی سے قبل ہی۔ [مصنف ابن ابي شيبه/كتاب الحج/حدیث: 16220]