حضرت عطاء اجازت دیتے ہیں کہ حرم سے شاخ ‘ مسواک یا سنا نامی بوٹی توڑ سکتا ہے۔ [مصنف ابن ابي شيبه/كتاب الحج/حدیث: 16171]

حضرت مجاہد اس کو ناپسند فرماتے ہیں۔ [مصنف ابن ابي شيبه/كتاب الحج/حدیث: 16172]

حضرت مجاہد فرماتے ہیں کہ محرم آدمی حرم سے باہر نہیں نکلے گا۔ [مصنف ابن ابي شيبه/كتاب الحج/حدیث: 16173]

حضرت ابن عباس رضی اللہ عنہما کے غلام فرماتے ہیں کہ میں نے تمتع کیا اور قربانی کرنا بھول گیا اور ھدی کو مؤخر کردیا یہاں تک کہ دن گزر گئے، میں نے حضرت ابن عباس رضی اللہ عنہما سے دریافت کیا؟ آپ نے فرمایا: اپنی ھدی کے واسطے ایک ھدی ادا کر، اور ایک ھدی اس پر جو تو نے اس کو مؤخر کیا۔ [مصنف ابن ابي شيبه/كتاب الحج/حدیث: 16174]

حضرت صلت بن راشد فرماتے ہیں کہ میں نے حضرت طاؤس سے دریافت کیا کہ ایک شخص نے حج تمتع کیا اس نے روزے بھی نہیں رکھے اور قربانی بھی نہیں کی یہاں تک کہ دن گزر گئے؟ آپ نے فرمایا کہ وہ قربانی کرے، میں نے عرض کیا کہ قربانی اس کے پاس نہیں ہے، آپ نے فرمایا کہ کپڑے فروخت کر کے خرید لے، میں نے کہا کہ اس کے پاس کپڑے بھی نہیں ہیں، آپ نے فرمایا کہ اپنے ساتھیوں سے ادھار طلب کرلے، میں نے عرض کیا کہ وہ دیتے نہیں ہیں، آپ نے فرمایا کہ تو نے جھوٹ بولا۔ [مصنف ابن ابي شيبه/كتاب الحج/حدیث: 16175]

حضرت عطاء اور سعید بن جبیر اس شخص کے متعلق فرماتے ہیں جو حج تمتع کرے اور قربانی نہ کرے نہ ہی روزے رکھے کہ اس پر دم واجب ہے۔ [مصنف ابن ابي شيبه/كتاب الحج/حدیث: 16176]

حضرت عطاء سے دریافت کیا گیا کہ اگر کوئی شخص حج کے مہینوں کے علاوہ کسی اور مہینے میں عمرہ کرے تو کیا اس پر ھدی واجب ہے؟ آپ نے فرمایا کہ اس پر ھدی واجب نہیں ہے، اور تحقیق صحابہ کرام ھدی دیا کرتے تھے، اور جس سال مشرکین نے نبی کریم صلی اللہ علیہ وآلہ وسلم کو روک دیا تھا اس سال آپ صلی اللہ علیہ وآلہ وسلم نے بھی قربانی کی تھی، (راوی نے دریافت کیا کہ) کیا آپ صلی اللہ علیہ وآلہ وسلم نے عمرہ کے لیے احرام باندھا ہوا تھا؟ آپ نے فرمایا ہاں، اور ان مشرکین کے ساتھ اس شرط پر صلح ہوئی کہ یہ لوگ آئندہ سال آئیں گے۔ [مصنف ابن ابي شيبه/كتاب الحج/حدیث: 16177]

اور میں نے حضرت امیر معاویہ رضی اللہ عنہ کو حج کے مہینوں کے علاوہ عمرہ میں اونٹ نحر کرتے ہوئے دیکھا ہے۔ [مصنف ابن ابي شيبه/كتاب الحج/حدیث: 16178]

حضرت مجاہد سے مرو ی ہے کہ جب نبی کریم صلی اللہ علیہ وآلہ وسلم کو (عمرہ کرنے سے) روک دیا گیا تو آپ صلی اللہ علیہ وآلہ وسلم نے قربانی کی پھر سر مبارک کا حلق کروایا۔ [مصنف ابن ابي شيبه/كتاب الحج/حدیث: 16179]

حضرت سعید بن المسیب سے مروی ہے کہ نبی کریم صلی اللہ علیہ وآلہ وسلم نے ارشاد فرمایا: محرم بھیڑیے کو مار سکتا ہے۔ [مصنف ابن ابي شيبه/كتاب الحج/حدیث: 16180]