حضرت بکر سے مروی ہے کہ ایک عجمی شخص نے حج کیا، لیکن اس نے حج یا عمرہ کا نام نہیں لیا تھا، اور کہا میں لوگوں کے ساتھ ہوں، راوی فرماتے ہیں کہ بیشک میں امید رکھتا ہوں کہ لوگوں نے جو سب سے بہتر عمل کیا وہ اس میں داخل ہوگیا ہو۔ [مصنف ابن ابي شيبه/كتاب الحج/حدیث: 16191]

حضرت نافع سے مروی ہے کہ حضرت کعب نے قلادہ ڈالی ہوئی گائے ھدی بھیجی۔ [مصنف ابن ابي شيبه/كتاب الحج/حدیث: 16192]

حضرت سعیدبن جبیر فرماتے ہیں کہ گائے کو قلادہ تو ڈالا جائے گا لیکن اس کا اشعار نہیں کیا جائے گا۔ [مصنف ابن ابي شيبه/كتاب الحج/حدیث: 16193]

حضرت ابن عمر رضی اللہ عنہما گائے کو قلادہ ڈالتے اور اس کے کوہان پر اشعار فرماتے، اور اگر اس کی کوہان نہ ہوتی تو کوہان والی جگہ پر اشعار فرماتے۔ [مصنف ابن ابي شيبه/كتاب الحج/حدیث: 16194]

حضرت عطاء ‘ حضرت طاؤس اور حضرت مجاہد ارشاد فرماتے ہیں کہ عمرہ نہیں ہے سوائے اس عمرے کے جس کی ابتداء اپنے اھل کے پاس سے کی ہو، اور ایام نحر کے چوتھے دن کے بعد عمرہ نہیں ہے۔ [مصنف ابن ابي شيبه/كتاب الحج/حدیث: 16195]

اور حضرت سعید بن جبیر فرماتے ہیں کہ اگر وہ اپنے علاقے کی میقات پر واپس چلا جائے پھر تمتع کرے تو مجھے امید ہے کہ یہ عمرہ ہوگا۔ [مصنف ابن ابي شيبه/كتاب الحج/حدیث: 16196]

حضرت جابر بن عبد اللہ رضی اللہ عنہ فرماتے ہیں کہ ہم لوگ قربانی کا گوشت کھاتے کھاتے مدینہ منورہ پہنچ جایا کرتے تھے۔ [مصنف ابن ابي شيبه/كتاب الحج/حدیث: 16197]

حضرت جابر فرماتے ہیں کہ ہم لوگ قربانی کا گوشت ایام منیٰ کے علاوہ نہیں کھاتے تھے، نبی کریم صلی اللہ علیہ وآلہ وسلم نے ہمیں اجازت دے دی اور ارشاد فرمایا: اس کو کھاؤ اور زاد راہ بناؤ، پس ہم کھاتے تھے اور زاد راہ بناتے تھے۔ [مصنف ابن ابي شيبه/كتاب الحج/حدیث: 16198]

راوی فرماتے ہیں کہ ہم نے حضرت عطاء سے پوچھا: کیا آپ کے خیال میں یہ حکم صرف حج تمتع کی ہدی کے ساتھ خاص ہے؟ آپ نے فرمایا: نہیں، بلکہ میرے خیال میں یہ ہر ہدی کے لیے ہے۔ [مصنف ابن ابي شيبه/كتاب الحج/حدیث: 16199]

حضرت ابن عمر رضی اللہ عنہما تین دن سے زیادہ نہ کھاتے تھے۔ [مصنف ابن ابي شيبه/كتاب الحج/حدیث: 16200]