حضرت مجاہد فرماتے ہیں کہ مکہ والوں پر تمتع نہیں ہے۔ [مصنف ابن ابي شيبه/كتاب الحج/حدیث: 16423]

حضرت عروہ فرماتے ہیں کہ مکہ والوں پر تمتع نہیں ہے اور ان پر احصار (رکاوٹ) بھی نہیں ہے، بیشک ان کا احصار یہ ہے کہ وہ بیت اللہ کا طواف کریں۔ [مصنف ابن ابي شيبه/كتاب الحج/حدیث: 16424]

حضرت عروہ فرماتے ہیں کہ مکہ والوں پر تمتع نہیں ہے۔ [مصنف ابن ابي شيبه/كتاب الحج/حدیث: 16425]

حضرت طاؤس فرماتے ہیں کہ مکہ والوں پر تمتع نہیں ہے، پھر آپ نے قرآن پاک کی آیت تلاوت فرمائی { ذٰلِکَ لِمَنْ لَّمْ یَکُنْ اَھْلُہٗ حَاضِرِی الْمَسْجِدِ الْحَرَامِ } پس اگر وہ ایسا کریں پھر وہ حج کریں تو ان پر وہی ہے جو لوگوں پر ہے۔ [مصنف ابن ابي شيبه/كتاب الحج/حدیث: 16426]

حضرت میمون فرماتے ہیں کہ مکہ والوں پر اور اس پر جو مکہ میں مستقل سکونت اختیار کر لے تمتع نہیں ہے۔ [مصنف ابن ابي شيبه/كتاب الحج/حدیث: 16427]

حضرت طاؤس فرماتے ہیں کہ مکہ والوں کے علاوہ تمام لوگوں کے لیے تمتع ہے۔ [مصنف ابن ابي شيبه/كتاب الحج/حدیث: 16428]

حضرت زہری فرماتے ہیں کہ مکہ والوں پر تمتع اور احصار نہیں ہے، بیشک وہ ٹھہرے رہیں گے حتی کہ وہ اپنا حج مکمل کرلیں۔ [مصنف ابن ابي شيبه/كتاب الحج/حدیث: 16429]

حضرت سعید بن جبیر اللہ تعالیٰ کے ارشاد { مَنِ اسْتَطَاعَ اِلَیْہِ سَبِیْلًا } کے متعلق فرماتے ہیں کہ جو شخص زاد راہ اور سواری پالے اس پر حج فرض ہے۔ [مصنف ابن ابي شيبه/كتاب الحج/حدیث: 16430]

حضرت ابن عمر رضی اللہ عنہما سے مروی ہے کہ ایک شخص نبی کریم صلی اللہ علیہ وآلہ وسلم کی طرف کھڑا ہوا اور عرض کیا کہ اے اللہ کے رسول (صلی اللہ علیہ وآلہ وسلم)! کیا چیز حج کو واجب کرتی ہے؟ آپ صلی اللہ علیہ وآلہ وسلم نے ارشاد فرمایا زاد راہ اور سواری، اس شخص نے عرض کیا اے اللہ کے رسول (صلی اللہ علیہ وآلہ وسلم)! حاجی کون ہے؟ آپ صلی اللہ علیہ وآلہ وسلم نے ارشاد فرمایا: جو پراگندہ حال اور (خوشبو نہ لگانے کی وجہ سے) بو والا ہو، اس شخص نے عرض کیا اے اللہ کے رسول (صلی اللہ علیہ وآلہ وسلم)! افضل حج کون سا ہے؟ آپ صلی اللہ علیہ وآلہ وسلم نے ارشاد فرمایا جس میں بلند آواز سے تلبیہ پڑھا جائے اور قربانی کی جائے۔ [مصنف ابن ابي شيبه/كتاب الحج/حدیث: 16431]

راوی فرماتے ہیں کہ العج سے مراد بلند آواز سے تلبیہ پڑھنا ہے، اور الثج سے مراد قربانی کے اونٹوں کو نحر کرنا ہے۔ [مصنف ابن ابي شيبه/كتاب الحج/حدیث: 16432]