حضرت سعید بن جبیر فرماتے ہیں زاد راہ اور سواری ہو تو حج فرض ہے۔ [مصنف ابن ابي شيبه/كتاب الحج/حدیث: 16443]

حضرت سعید بن جبیر سے اسی طرح مروی ہے۔ [مصنف ابن ابي شيبه/كتاب الحج/حدیث: 16444]

حضرت حسن سے مروی ہے کہ ایک شخص نے عرض کیا کہ اے اللہ کے رسول (صلی اللہ علیہ وآلہ وسلم)! اس کی طرف راستہ کیا ہے؟ آپ صلی اللہ علیہ وآلہ وسلم نے فرمایا اس کے پاس زاد راہ اور سواری ہو۔ [مصنف ابن ابي شيبه/كتاب الحج/حدیث: 16445]

حضرت ابن زبیر فرماتے ہیں کہ اللہ تعالیٰ کے ارشاد { مَنِ اسْتَطَاعَ اِلَیْہِ سَبِیْلًا } سے مراد انسانی قوت کی بقدر ہے۔ [مصنف ابن ابي شيبه/كتاب الحج/حدیث: 16446]

حضرت ابن عباس رضی اللہ عنہما ارشاد فرماتے ہیں کہ جو شخص تین سو دراہم کا مالک ہو اس پر حج واجب ہے اور باندیوں سے نکاح کرنا اس پر حرام ہے۔ [مصنف ابن ابي شيبه/كتاب الحج/حدیث: 16447]

حضرت معمر بن خثیم فرماتے ہیں کہ میں نے حضرت ابو جعفر سے فرمایا اللہ تعالیٰ آپ پر رحم فرمائے، { مَنِ اسْتَطَاعَ اِلَیْہِ سَبِیْلًا } سے کیا مراد ہے؟ آپ نے فرمایا کہ تیرے پاس سواری ہو، اور کچھ زاد راہ ہو تو کبھی پیدل چلے اور کبھی سوار ہو۔ [مصنف ابن ابي شيبه/كتاب الحج/حدیث: 16448]

حضرت طاؤس اس شخص کے متعلق فرماتے ہیں کہ جو وقوف عرفہ کے دن عمرہ کرنے آئے، وہ طواف کرے اور صفا ومروہ کی سعی کرے، عورتوں کے پاس نہ آئے اس حال میں کہ لوگ عرفہ میں ٹھہرے ہوں۔ [مصنف ابن ابي شيبه/كتاب الحج/حدیث: 16449]

حضرت عطاء فرماتے ہیں کہ اس میں کوئی حرج نہیں ہے۔ [مصنف ابن ابي شيبه/كتاب الحج/حدیث: 16450]

حضرت ابراہیم فرماتے ہیں کہ محرم خاتون شلوار اور موزے پہنے گی۔ [مصنف ابن ابي شيبه/كتاب الحج/حدیث: 16451]

حضرت عطاء سے دریافت کیا گیا کہ محرم خاتون شلوار پہن سکتی ہے؟ آپ نے فرمایا ہاں۔ [مصنف ابن ابي شيبه/كتاب الحج/حدیث: 16452]