محمد سے مروی ہے کہ لوگ یہ سمجھتے تھے کہ سب سے زیادہ مناسک حج کا علم حضرت ابن عفان کے پاس تھا پھر اس کے بعد حضرت ابن عمر رضی اللہ عنہما تھے۔ [مصنف ابن ابي شيبه/كتاب الحج/حدیث: 16403]

حضرت عائشہ رضی اللہ عنہا فرماتی ہیں کہ موجودہ لوگوں میں حضرت ابن عباس رضی اللہ عنہما مناسک حج کے سب سے زیادہ جاننے والے ہیں۔ [مصنف ابن ابي شيبه/كتاب الحج/حدیث: 16404]

حضرت اسلم المنقری فرماتے ہیں کہ میں حضرت ابو جعفر کے پاس بیٹھا ہوا تھا، حضرت عطاء گزرے تو حضرت ابو جعفر نے فرمایا: زمین کے اوپر اس شخص سے زیادہ مناسک حج کا علم رکھنے والا کوئی نہیں بچا۔ [مصنف ابن ابي شيبه/كتاب الحج/حدیث: 16405]

حضرت عروہ فرماتے ہیں کہ سنت طریقہ یہ ہے کہ صفا پر چڑھے یہاں تک کہ بیت اللہ نظر آنے لگے تو اس کی طرف رخ کر کے کھڑا ہوجائے۔ [مصنف ابن ابي شيبه/كتاب الحج/حدیث: 16406]

حضرت ضحاک فرماتے ہیں کہ صفا پر چڑھا جائے گا یہاں تک کہ بیت اللہ کی طرف رخ کیا جائے گا۔ [مصنف ابن ابي شيبه/كتاب الحج/حدیث: 16407]

حضرت ابن عمر رضی اللہ عنہما جب کوہ صفا پر چڑھتے تو بیت اللہ کی طرف رخ کر کے تین بار تکبیر کہتے اور یہ دعا پڑھتے، لاَ إلَہَ إِلاَّ اللَّہُ وَحْدَہُ لاَ شَرِیکَ لَہُ، لَہُ الْمُلْکُ وَلَہُ الْحَمْدُ وَہُوَ عَلَی کُلِّ شَیْئٍ قَدِیرٌ یہ پڑھتے وقت آواز بلند کرلیتے پھر اس کے بعد لمبی دعا مانگتے۔ [مصنف ابن ابي شيبه/كتاب الحج/حدیث: 16408]

حضرت ابراہیم فرماتے ہیں کہ جب کوہ صفا پر چڑھو تو ایس جگہ پر کھڑے ہو جہاں سے بیت اللہ نظر آئے۔ [مصنف ابن ابي شيبه/كتاب الحج/حدیث: 16409]

حضرت جابر سے مروی ہے کہ نبی کریم صلی اللہ علیہ وآلہ وسلم صفا پر چڑھے یہاں تک کہ بیت اللہ نظر آنے لگا۔ [مصنف ابن ابي شيبه/كتاب الحج/حدیث: 16410]

حضرت طاؤس کوہ صفا اور مروہ پر اس مقام پر کھڑے ہوتے جہاں سے بیت اللہ نظر آتا۔ [مصنف ابن ابي شيبه/كتاب الحج/حدیث: 16411]

حضرت سالم کوہ صفا پر چڑھے اس مقام پر جہاں سے بیت اللہ سامنے نظر آ رہا تھا۔ [مصنف ابن ابي شيبه/كتاب الحج/حدیث: 16412]