حضرت قاسم مزدلفہ سے جمرات کی رمی کے لیے کنکریاں اٹھایا کرتے تھے۔ [مصنف ابن ابي شيبه/كتاب الحج/حدیث: 13950]

حضرت عبد الرحمن بن اسود فرماتے ہیں کہ ہم نے حضرت اسود کے لیے کنکریاں اٹھائیں جب ہم لوگ عرفات جا رہے تھے۔ [مصنف ابن ابي شيبه/كتاب الحج/حدیث: 13951]

حضرت محمد بن عبد الرحمن کے والد فرماتے ہیں کہ میں حضرت عبد اللہ کے ساتھ عرفہ سے منیٰ آیا جب ہم جمرات کے پاس پہنچ گئے تو آپ نے فرمایا میرے لیے کنکریاں جمع کرو، میں نے ان کے لیے سات کنکریاں اکٹھی کیں۔ [مصنف ابن ابي شيبه/كتاب الحج/حدیث: 13952]

حضرت شعبی فرماتے ہیں کہ جہاں سے چاہو کنکریاں اٹھا لو۔ [مصنف ابن ابي شيبه/كتاب الحج/حدیث: 13953]

حضرت ابن عباس رضی اللہ عنہما سے مروی ہے کہ نبی کریم صلی اللہ علیہ وآلہ وسلم نے عقبہ کی صبح مجھ سے فرمایا میرے لیے کنکریاں اکٹھی کرو، حضرت ابن عباس رضی اللہ عنہما فرماتے ہیں کہ میں نے آپ صلی اللہ علیہ وآلہ وسلم کے لیے چھوٹی چھوٹی کنکریاں جمع کیں، آپ صلی اللہ علیہ وآلہ وسلم نے فرمایا: ان جتنی کنکریوں سے رمی کرو۔ [مصنف ابن ابي شيبه/كتاب الحج/حدیث: 13954]

حضرت ابن عمر رضی اللہ عنہما سے مروی ہے ک نبی کریم صلی اللہ علیہ وآلہ وسلم تلبیہ کے یہ الفاظ پڑھا کرتے تھے، لَبَّیْکَ اللَّہُمَّ لَبَّیْکَ، لَبَّیْکَ لاَ شَرِیکَ لَکَ لَبَّیْکَ، إِنَّ الْحَمْدَ وَالنِّعْمَۃَ لَکَ وَالْمُلْکَ، لاَ شَرِیکَ لَکَ۔ [مصنف ابن ابي شيبه/كتاب الحج/حدیث: 13955]

حضرت ابن عمر رضی اللہ عنہما سے اسی طرح مروی ہے۔ [مصنف ابن ابي شيبه/كتاب الحج/حدیث: 13956]

حضرت جابر سے مروی ہے کہ نبی کریم صلی اللہ علیہ وآلہ وسلم نے احرام باندھ کر توحید کے ساتھ یہ تلبیہ پڑھا، لَبَّیْکَ اللَّہُمَّ لَبَّیْکَ، لَبَّیْکَ لاَ شَرِیکَ لَکَ لَبَّیْکَ، إنَّ الْحَمْدَ وَالنِّعْمَۃَ لَکَ وَالْمُلْکَ، لاَ شَرِیکَ لَک۔ [مصنف ابن ابي شيبه/كتاب الحج/حدیث: 13957]

حضرت عائشہ رضی اللہ عنہا فرماتی ہیں کہ میں نے وہ تلبیہ یاد کیا ہے جیسا تلبیہ رسول اکرم (صلی اللہ علیہ وآلہ وسلم) پڑھا کرتے تھے، لَبَّیْکَ اللَّہُمَّ لَبَّیْکَ، لَبَّیْکَ لاَ شَرِیکَ لَکَ لَبَّیْکَ، إنَّ الْحَمْدَ وَالنِّعْمَۃَ لَکَ۔ [مصنف ابن ابي شيبه/كتاب الحج/حدیث: 13958]

حضرت ضحاک سے مروی ہے کہ حضرت ابن عباس رضی اللہ عنہما نے حضرت جابر کی روایت میں مذکور تلبیہ کے مثل پڑھا اور فرمایا اس تلبیہ کو لازم پکڑ لو، بیشک یہ رسول اکرم (صلی اللہ علیہ وآلہ وسلم) کا تلبیہ ہے۔ [مصنف ابن ابي شيبه/كتاب الحج/حدیث: 13959]