حضرت عبد اللہ ان الفاظ میں تلبیہ پڑھا کرتے تھے، لَبَّیْکَ اللَّہُمَّ لَبَّیْکَ، لَبَّیْکَ لاَ شَرِیکَ لَکَ لَبَّیْکَ، إنَّ الْحَمْدَ وَالنِّعْمَۃَ لَکَ اور فرماتے کہ یہ رسول اکرم (صلی اللہ علیہ وآلہ وسلم) کا تلبیہ ہے۔ [مصنف ابن ابي شيبه/كتاب الحج/حدیث: 13960]

حضرت سعد بن ابی وقاص نے سنا ایک شخص یوں تلبیہ پڑھ رہا تھا کہ، لَبَّیْکَ ذَا الْمَعَارِجِ حضرت سعد نے فرمایا: لَبَّیْکَ ذَا الْمَعَارِجِ! بیشک وہ بلندیوں والا ہے لیکن ہم لوگ نبی کریم صلی اللہ علیہ وآلہ وسلم کے زمانے میں ایسے تلبیہ نہیں پڑھا کرتے تھے۔ [مصنف ابن ابي شيبه/كتاب الحج/حدیث: 13961]

حضرت ابو ہریرہ رضی اللہ عنہ سے مروی ہے کہ نبی کریم صلی اللہ علیہ وآلہ وسلم تلبیہ میں یہ الفاظ فرماتے: لَبَّیْکَ إلَہَ الْحَقِ لَبَّیْکَ۔ [مصنف ابن ابي شيبه/كتاب الحج/حدیث: 13962]

حضرت عبد الرحمن بن یزید فرماتے ہیں کہ حضرت عبد اللہ نے ہمیں یہ تلبیہ سیکھایا: لَبَّیْکَ اللَّہُمَّ لَبَّیْکَ، لَبَّیْکَ لاَ شَرِیکَ لَکَ لَبَّیْکَ، إنَّ الْحَمْدَ وَالنِّعْمَۃَ لَکَ۔ [مصنف ابن ابي شيبه/كتاب الحج/حدیث: 13963]

حضرت خیثمہ فرماتے ہیں کہ وہ لوگ یہی تلبیہ پڑھا کرتے تھے۔ [مصنف ابن ابي شيبه/كتاب الحج/حدیث: 13964]

راوی فرماتے ہیں کہ حضرت اسود بھی یہی تلبیہ پڑھا کرتے تھے اور ان الفاظ کا اضافہ کرتے: وَالْمُلْکَ، لاَ شَرِیکَ لَکَ۔ [مصنف ابن ابي شيبه/كتاب الحج/حدیث: 13965]

حضرت اسود فرماتے ہیں کہ حضرت عمر عرفہ کی شام سرخ اونٹ پر سوار ہو کر (عرفات سے) روانہ ہوئے، اور آپ نے اپنی سواری کا سر اتنا کھینچ رکھا تھا کہ وہ کجاوے کے درمیانی حصے کو لگنے کے قریب تھا، اور آپ ان تین کلمات کے ساتھ تلبیہ پڑھ رہے تھے: لَبَّیْکَ اللَّہُمَّ لَبَّیْکَ، لَبَّیْکَ لاَشَرِیکَ لَکَ لَبَّیْکَ، إِنَّ الْحَمْدَ وَالنِّعْمَۃَ لَکَ۔ اور حضرت عمر کافی تیز چل رہے تھے اور جب بھی کسی ٹیلہ کے پاس سے گزرتے تو ہاتھ اٹھاتے اور تکبیر پڑھتے۔ [مصنف ابن ابي شيبه/كتاب الحج/حدیث: 13966]

حضرت مسور بن مخرمہ فرماتے ہیں کہ حضرت عمر ان الفاظ کے ساتھ تلبیہ پڑھتے: لَبَّیْکَ اللَّہُمَّ لَبَّیْکَ، لَبَّیْکَ لاَشَرِیکَ لَکَ لَبَّیْکَ، إِنَّ الْحَمْدَ وَالنِّعْمَۃَ لَکَ وَالْمُلْکَ، لاَشَرِیکَ لَکَ لَبَّیْکَ، مَرْغُوبًا، وَمَرْہُوبًا إِلَیْکَ، لَبَّیْکَ ذَا النَّعْمَائِ وَالْفَضْلِ الْحَسَنِ۔ [مصنف ابن ابي شيبه/كتاب الحج/حدیث: 13967]

حضرت عبدہ فرماتے ہیں کہ حضرت ہشام نے فرمایا: وہ یہ تلبیہ پڑھتے اور پھر بار بار دہراتے تھے۔ [مصنف ابن ابي شيبه/كتاب الحج/حدیث: 13968]

حضرت ابو خالد احمر نے یہ اضافہ کیا کہ حضرت ہشام نے فرمایا: میرے والد (یعنی حضرت عروہ) بھی اسی طرح تلبیہ پڑھا کرتے تھے، البتہ حضرت ابو خالد نے یہ الفاظ ذکر نہیں کیے کہ وہ اسے پڑھتے اور پھر بار بار دہراتے تھے۔ [مصنف ابن ابي شيبه/كتاب الحج/حدیث: 13969]