حضرت حکم فرماتے ہیں کہ اگر آدمی نے اپنے غلام کو اجازت دی کہ وہ جو باندی خریدے اس سے ہم بستری کرے تو یہ آقا کی طرف سے نکاح ہے، اور وہ دو سے زیادہ سے ہم بستری نہیں کرے گا۔ [مصنف ابن ابي شيبه/كتاب النكاح/حدیث: 16800]

حضرت عمر رضی اللہ عنہ نے ایک مرتبہ سوال کیا کہ کون جانتا ہے کہ غلام کتنی شادیاں کرسکتا ہے؟ ایک آدمی نے کہا میں جانتا ہوں۔ حضرت عمر نے پوچھا کتنی شادیاں کرسکتا ہے؟ اس نے کہا دو۔ یہ سن کر حضرت عمر رضی اللہ عنہ خاموش ہوگئے۔ [مصنف ابن ابي شيبه/كتاب النكاح/حدیث: 16801]

حضرت خالد بن ابی عمران کہتے ہیں کہ میں نے حضرت سالم اور حضرت قاسم سے پوچھا کہ غلام کتنی شادیاں کرسکتا ہے؟ انہوں نے فرمایا چار۔ [مصنف ابن ابي شيبه/كتاب النكاح/حدیث: 16802]

حضرت حکم فرماتے ہیں کہ صحابہ کرام رضی اللہ عنہ م کا اس بات پر اجماع تھا کہ غلام دو سے زیادہ شادیاں نہیں کرسکتا۔ [مصنف ابن ابي شيبه/كتاب النكاح/حدیث: 16803]

حضرت براہیم فرماتے ہیں کہ غلام دو سے زیادہ شادیاں کرسکتا ہے۔ [مصنف ابن ابي شيبه/كتاب النكاح/حدیث: 16804]

حضرت حسن اور حضرت ابراہیم فرماتے ہیں کہ اگر غلام نے اپنے آقا کی اجازت کے بغیر شادی کی، پھر آقا نے اسے اجازت دے دی تو جائز ہے۔ [مصنف ابن ابي شيبه/كتاب النكاح/حدیث: 16805]

حسن اور ابراہیم فرماتے ہیں کہ اگر غلام نے اپنے آقا کی اجازت کے بغیر شادی کی، پھر آقا نے اسے اجازت دے دی تو جائز ہے۔ [مصنف ابن ابي شيبه/كتاب النكاح/حدیث: 16806]

حضرت حسن فرماتے ہیں کہ اگر غلام نے اپنے آقا کی اجازت کے بغیر شادی کی، پھر آقا نے اسے اجازت دے دی تو جائز ہے۔ [مصنف ابن ابي شيبه/كتاب النكاح/حدیث: 16807]

حضرت سعید بن مسیب اور حضرت حسن فرماتے ہیں کہ اگر غلام نے اپنے آقا کی اجازت کے بغیر شادی کی تو آقا اگر چاہے تو اجازت دے دے اور چاہے تو منع کردے۔ [مصنف ابن ابي شيبه/كتاب النكاح/حدیث: 16808]

حضرت حکم فرماتے ہیں کہ اگر آقا نے غلام کے نکاح کو باقی رکھا تو باقی رہے گا۔ [مصنف ابن ابي شيبه/كتاب النكاح/حدیث: 16809]