حضرت حسن رحمہ اللہ اور حضرت محمد رحمہ اللہ فرماتے ہیں کہ اگر کسی شخص نے اپنی بیوی سے ایک مہینے تک کے لئے ایلاء کیا پھر چار مہینے گذر گئے تو ایک طلاق بائنہ پڑگئی۔ [مصنف ابن ابي شيبه/كتاب الطلاق/حدیث: 19644]

حضرت حماد رحمہ اللہ فرماتے ہیں کہ اگر کسی شخص نے اپنی بیوی سے کہا کہ خدا کی قسم! میں آج تیرے قریب نہیں آؤں گا اور پھر چار مہینے تک اسے چھوڑے رکھا تو یہ ایلاء ہے۔ [مصنف ابن ابي شيبه/كتاب الطلاق/حدیث: 19645]

حضرت ابراہیم رحمہ اللہ فرماتے ہیں کہ اگر چار مہینے سے کم کی قسم کھائی تو بھی ایلاء ہوگیا۔ [مصنف ابن ابي شيبه/كتاب الطلاق/حدیث: 19646]

حضرت حکم رحمہ اللہ فرماتے ہیں کہ اگر کسی آدمی نے قسم کھائی کہ وہ ایک ماہ تک اپنی بیوی کے قریب نہیں جائے گا تو وہ ایلاء کرنے والا ہے۔ [مصنف ابن ابي شيبه/كتاب الطلاق/حدیث: 19647]

حضرت ابو شعثائ رحمہ اللہ کہتے ہیں کہ علاقے کے ایک آدمی نے اپنی بیوی سے ایلاء کیا پھر وہ عورت نفا س کا شکارہوگئی تو میں نے اس بارے میں حضرت علقمہ، حضرت اسود اور حضرت مسروق s سے سوال کیا، انہوں نے فرمایا کہ جب زبان سے قسم توڑنے کو کہہ دیا تو قسم ٹوٹ گئی۔ [مصنف ابن ابي شيبه/كتاب الطلاق/حدیث: 19648]

حضرت ابراہیم رحمہ اللہ فرماتے ہیں کہ جب آدمی نے اپنی بیوی سے ایلاء کیا، لیکن کسی مرض، مصروفیت یا عذر وغیرہ نے جماع سے روکے رکھا لیکن آدمی نے قسم سے رجوع پر گواہ بنالئے تو یہ کافی ہے۔ [مصنف ابن ابي شيبه/كتاب الطلاق/حدیث: 19649]

حضرت ابو قلابہ رحمہ اللہ فرماتے ہیں کہ جب کسی نے اپنی زبان سے رجوع کرلیا تو یہ رجوع ہے۔ [مصنف ابن ابي شيبه/كتاب الطلاق/حدیث: 19650]

حضرت زہری رحمہ اللہ فرماتے ہیں کہ اگر کسی شخص نے بیوی سے ایلاء کیا، پھر وہ بیمار ہوگیا یا بیوی سے دورسفر میں تھا یا بیوی حائضہ ہوگئی تو وہ رجوع پر کسی کو گواہ بنالے۔ [مصنف ابن ابي شيبه/كتاب الطلاق/حدیث: 19651]

حضرت حسن رحمہ اللہ اور حضرت عکرمہ رحمہ اللہ فرماتے ہیں کہ اگر آدمی کو کوئی عذر ہو تو وہ عورت سے رجوع کرنے پر کسی کو گواہ بنالے۔ [مصنف ابن ابي شيبه/كتاب الطلاق/حدیث: 19652]

حضرت حسن رحمہ اللہ فرماتے ہیں کہ جب کسی آدمی نے اپنی بیوی سے ایلاء کی اور رجوع پر گواہ بنالیا تو کافی ہے۔ [مصنف ابن ابي شيبه/كتاب الطلاق/حدیث: 19653]