حضرت حسن رحمہ اللہ بھی حضرت شعبی رحمہ اللہ والی بات فرمایا کرتے تھے۔ [مصنف ابن ابي شيبه/كتاب الطلاق/حدیث: 19674]

حضرت شعبی رحمہ اللہ فرماتے ہیں کہ اگر کسی شخص نے اپنی بیوی سے ایلاء کیا پھرا سے طلاق دے دی، اگر تین حیض آنے سے پہلے چا ر مہینے گذر گئے تو وہ عورت بائنہ ہوگئی۔ [مصنف ابن ابي شيبه/كتاب الطلاق/حدیث: 19675]

حضرت ابراہیم رحمہ اللہ فرماتے ہیں کہ طلاق ایلاء کو ختم کردیتی ہے۔ [مصنف ابن ابي شيبه/كتاب الطلاق/حدیث: 19676]

حضرت ابراہیم رحمہ اللہ فرماتے ہیں کہ طلاق ایلاء کو ختم کردیتی ہے۔ [مصنف ابن ابي شيبه/كتاب الطلاق/حدیث: 19677]

حضرت عبد اللہ رضی اللہ عنہ فرماتے ہیں کہ طلاق ایلاء کو ختم کردیتی ہے۔ [مصنف ابن ابي شيبه/كتاب الطلاق/حدیث: 19678]

حضرت علی رضی اللہ عنہ فرماتے ہیں کہ یہ دونوں دوڑ کے دو گھوڑوں کی طرح ہیں۔ [مصنف ابن ابي شيبه/كتاب الطلاق/حدیث: 19679]

حضرت عبداللہ رضی اللہ عنہ فرماتے ہیں کہ ایلاء غصے اور خوشی دونوں حالتوں میں ہوتا ہے۔ [مصنف ابن ابي شيبه/كتاب الطلاق/حدیث: 19680]

حضرت ام عطیہ فرماتی ہیں کہ حضرت جبیر رضی اللہ عنہ نے اپنی بیوی سے کہا کہ میرے بھائی کا بیٹا تیرے بیٹے کے ساتھ دودھ پئے گا، انہوں نے کہا کہ میں دو بچوں کو دودھ نہیں پلا سکتی، حضرت جبیر رحمہ اللہ نے قسم کھالی کہ جب تک وہ اس بچے کو دودھ نہیں چھڑا دیتیں اس وقت تک وہ اپنی بیوی کے قریب نہ جائیں گے۔ جب اس بچے کا دودھ چھڑا دیا گیا اور وہ لوگوں کے پاس سے گذرا تو لوگوں نے کہا کہ تم نے اسے اچھی غذا دی ہے، حضرت جبیر رحمہ اللہ نے کہا کہ میں نے قسم کھائی تھی کہ میں اس وقت تک اپنی بیوی کے قریب نہیں جاؤں گا جب تک وہ اس کا دودھ نہیں چھڑا دیتی، لوگوں نے کہا کہ یہ ایلاء ہے، حضرت علی رضی اللہ عنہ نے فرمایا کہ اگر تم نے غصے میں ایسا کیا تھا تو تمہارے لئے تمہاری بیوی حلال نہیں اور اگر غصے میں نہیں کیا تو یہ تمہاری بیوی ہے۔ [مصنف ابن ابي شيبه/كتاب الطلاق/حدیث: 19681]

حضرت علی رضی اللہ عنہ فرماتے ہیں کہ ایلاء صرف غصے میں ہوتا ہے۔ [مصنف ابن ابي شيبه/كتاب الطلاق/حدیث: 19682]

حضرت قعقاع بن یزید رحمہ اللہ کہتے ہیں کہ میں نے حسن رحمہ اللہ سے ایلاء کے بارے میں سوال کیا تو انہوں نے فرمایا کہ ایلاء تو غصے میں ہوتا ہے۔ [مصنف ابن ابي شيبه/كتاب الطلاق/حدیث: 19683]