حضرت مکحول نے فرمایا کہ رسول اللہ صلی اللہ علیہ وآلہ وسلم کا وصال ہوا اور دیت آٹھ سو ”٨٠٠“ دینار تھی۔ پھر عمر کو اپنے بعد خدشہ ہوا تو انہوں نے اس کو بارہ ہزار ”١٢٠٠٠“ درہم یا ہزار ”١٠٠٠“ دینار کردیا۔ [مصنف ابن ابي شيبه/كتاب الديات/حدیث: 28432]

حضرت عبیدۃ السلمانی نے فرمایا کہ عمر نے دیات کو مقرر فرمایا۔ تو سونے والوں پر ہزار ”١٠٠٠“ دینار، اور چاندی والوں پر دس ہزار ”١٠٠٠٠“ اور اونٹ والوں پر سو اونٹ، اور گائے والوں پر دو سو بڑی عمر والی گائے، اور بکری والوں پر دو ہزار بکریاں، اور کپڑے والوں پر دو سو جوڑے مقرر کیے۔ [مصنف ابن ابي شيبه/كتاب الديات/حدیث: 28433]

حضرت عطاء نے فرمایا کہ رسول اللہ صلی اللہ علیہ وآلہ وسلم نے لوگوں پر ان کے اموال میں دیت مقرر کی جو کہ اونٹ والوں پر سو ”١٠٠“ اونٹ، اور بکری والوں پر دو ہزار بکریاں اور گائے والوں پر دو سو گائے اور کپڑے والوں پر دو سو جوڑے تھی۔ عطاء فرماتے ہیں کہ آپ نے اناج والوں پر بھی کوئی چیز مقرر کی تھی مجھے وہ یاد نہیں۔ [مصنف ابن ابي شيبه/كتاب الديات/حدیث: 28434]

محمد بن عمرو نے فرمایا کہ عمر بن عبدالعزیز نے امرائے اجناد کی طرف خط لکھا کہ:۔ رسول اللہ صلی اللہ علیہ وآلہ وسلم کے زمانہ میں دیت سو اونٹ تھی۔ [مصنف ابن ابي شيبه/كتاب الديات/حدیث: 28435]

قتادہ نے فرمایا کہ رسول اللہ صلی اللہ علیہ وآلہ وسلم نے فرمایا کہ ”قتل کی دیت سو اونٹ ہے، پس جس شخص نے ایک اونٹ زیادہ کیا تو وہ جاہلیت کے کام میں سے ہے۔ [مصنف ابن ابي شيبه/كتاب الديات/حدیث: 28436]

عمر بن عبدالعزیز سے مروی ہے کہ انہوں نے سو اونٹ دیت مقرر کی اور ہر اونٹ کی قیمت سو ”١٠٠“ ٹھہرائی، اونٹ چاہے گراں قیمت ہو یا سستا پھر لوگوں نے اسی کو اپنالیا۔ [مصنف ابن ابي شيبه/كتاب الديات/حدیث: 28437]

علی رضی اللہ عنہ اور عبداللہ اور زید سے مروی ہے کہ انہوں نے فرمایا کہ ”دیت سو اونٹ ہے“ [مصنف ابن ابي شيبه/كتاب الديات/حدیث: 28438]

ابوہریرہ نے فرمایا کہ میں اپنی دیت کے بقدر بارہ ہزار مرتبہ تسبیح روزانہ کرتا ہوں یا فرمایا اس کی دیت کے بقدر۔ [مصنف ابن ابي شيبه/كتاب الديات/حدیث: 28439]

عکرمہ سے روایت ہے کہ عمر نے دیہاتیوں پر بارہ ہزار دیت کا فیصلہ کیا اور فرمایا کہ زمانہ بدل رہا ہے اور مجھے اپنے بعد تمہارے بارے میں حکام سے خدشہ ہے پس دیہات والوں پر دیت کا مغلظہ کرنے میں کوئی زیادتی نہیں۔ اور نہ اشہر حرام اور نہ حرمت میں اور دیہاتیوں کی دیت میں تغلیظ ہے اس میں زیادتی نہیں ہے۔ [مصنف ابن ابي شيبه/كتاب الديات/حدیث: 28440]