حضرت عمرو بن شعیب سے مروی ہے کہ تحقیق قتادہ نے جو کہ بنی مدلج کا ایک آدمی تھا اپنے بیٹے کو قتل کردیاتو عمر نے سو اونٹ لیے تیس حقہ (یعنی چوتھے سال میں چلنے والے) اور تیس جذعہ (پانچویں سال میں چلنے والے) اور چالیس حاملہ اونٹنیاں۔ [مصنف ابن ابي شيبه/كتاب الديات/حدیث: 28441]

حضرت ابن عمر رضی اللہ عنہما نے فرمایا کہ رسول اللہ صلی اللہ علیہ وآلہ وسلم نے فتح مکہ والے دن خطبہ دیاپس آپ کعبہ کی سیڑھی پر کھڑے ہوئے پھر فرمایا ”تمام تعریفیں اس اللہ تعالیٰ کے لیے ہیں کہ جس نے اپنا وعدہ سچ کر دکھایا، اور اپنے بندے کی مدد کی، اور تن تنہا گروہوں کو شکست دی خبردار تحقیق کوڑے یا چھڑی میں خطائے قصد کی وجہ سے قتل ہونے والے شخص میں دیت مغلظہ ہے یعنی سو اونٹ ہیں جس میں سے چالیس ایسی (حاملہ) اونٹنیاں ہیں کہ ان کی اولاد ان کے پیٹ میں ہو۔ [مصنف ابن ابي شيبه/كتاب الديات/حدیث: 28442]

حسن سے دیت کے حکم میں اونٹ کی عمروں کے بارے میں مروی ہے وہ فرماتے ہیں کہ تیس حاملہ، اور تیس پانچویں سال میں چلنے والے، اور بیس دوسرے سال میں چلنے والے، اور بیس تیسرے سال میں چلنے والے۔ [مصنف ابن ابي شيبه/كتاب الديات/حدیث: 28443]

حضرت زھری فرمایا کرتے تھے کہ دو سو ”٢٠٠“ گائے یا دو ہزار بکریاں ”٢٠٠٠“ [مصنف ابن ابي شيبه/كتاب الديات/حدیث: 28444]

حضرت سہل بن ابی حثمہ فرماتے ہیں کہ تحقیق نبی کریم صلی اللہ علیہ وآلہ وسلم نے ایک آدمی کو سو اونٹ ”خون بہا“ دیا۔ [مصنف ابن ابي شيبه/كتاب الديات/حدیث: 28445]

حضرت ابن طاؤس اپنے والد سے روایت کرتے ہیں کہ سو اونٹ یا اس کی قیمت، اونٹ کے علاوہ کسی اور چیز سے۔ [مصنف ابن ابي شيبه/كتاب الديات/حدیث: 28446]

حضرت شعبی فرماتے کہ اونٹ والے اونٹ، اور گائے والے گائے، اور بکری والے بکریاں اور چاندی والے چاندی دیں گے۔ [مصنف ابن ابي شيبه/كتاب الديات/حدیث: 28447]

حسن سے مروی ہے کہ عمر اور عثمان نے دیت کی قیمت لگائی اور اس کو لینے والے کی طرف سپرد کردیا، اگر چاہے تو اونٹ لے اور چاہے تو قیمت لے لے۔ [مصنف ابن ابي شيبه/كتاب الديات/حدیث: 28448]

حضرت عمر بن عبدالعزیز نے فرمایا کہ اگر قتل کا مرتکب اعرابی ہو تو اس کی دیت سو اونٹ ہیں، دیہاتی کو سونے اور چاندی کا مکلف نہیں بنایا جائے گا اور دیہاتی کو جب دیہاتی قتل کردے تو اس کی دیت سو اونٹ ہیں، پس اگر رشتہ دار اونٹ نہ رکھتے ہوں تو اس کی مثل بکریوں میں سے دو ہزار ہیں۔ [مصنف ابن ابي شيبه/كتاب الديات/حدیث: 28449]

ابن طاؤس کا قول ہے کہ میرے والد صاحب نے فرمایا کہ دیت کو اس د ن کی اونٹوں کی قیمت کے حساب سے ادا کریں گے چاہے جتنی بھی ہو، چاہے کسی بھی نوع (بکری، گائے) وغیرہ سے ادا کریں، اگر اونٹوں کی قیمت زیادہ ہو اور اگر کم ہو تو بھی انہی کی قیمت ادا کریں گے۔ [مصنف ابن ابي شيبه/كتاب الديات/حدیث: 28450]