ابن جریج کا ارشاد ہے کہ میں نے عطاء سے عرض کیا کہ دیہاتی اگر چاہے تو سو اونٹ یا دو سو گائے یا دو ہزار بکریاں دیدے اور سونا نہ دے؟ تو انہوں نے فرمایا کہ چاہے تو اونٹ دے دے اور سونا نہ دے۔ [مصنف ابن ابي شيبه/كتاب الديات/حدیث: 28451]

ابن جریج کا ارشاد ہے کہ عطاء نے فرمایا کہ کہا جاتا تھا: اونٹ والوں پر اونٹ، اور گائے والوں پر گائے اور بکری والوں پر بکریاں ہیں۔ [مصنف ابن ابي شيبه/كتاب الديات/حدیث: 28452]

حضرت حسن فرماتے ہیں کہ گائے اور بکریوں والے اگر چاہیں تو اونٹ بھی دے سکتے ہیں۔ [مصنف ابن ابي شيبه/كتاب الديات/حدیث: 28453]

ابوبکر نے فرمایا کہ جس کی دیت بکریوں کی صو رت میں ہو تو ایک اونٹ بیس بکریوں کے برابر، اور جس کی دیت گائے کی صورت میں ہو تو ہر اونٹ دو گائے کے برابر ہوگا۔ [مصنف ابن ابي شيبه/كتاب الديات/حدیث: 28454]

عبداللہ سے آپ صلی اللہ علیہ وآلہ وسلم کا ارشاد منقول ہے کہ قتل خطا کی دیت پانچ حصوں میں ہوگی۔ بیس حصہ یعنی چوتھے سال میں چلنے والی اونٹنیاں، اور بیس پانچویں سال میں چلنے والی اونٹنیاں، اور بیس تیسرے میں اور بیس تیسرے سال میں چلنے والے اونٹ، اور بیس دوسرے سال میں چلنے والی اونٹنیاں۔ [مصنف ابن ابي شيبه/كتاب الديات/حدیث: 28455]

عبداللہ نے فرمایا کہ قتل خطا میں دیت پانچ حصوں میں ہوگی بیس چوتھے سال میں چلنے والی اونٹنیاں اور بیس پانچویں اور بیس دوسرے میں چلنے والی اونٹنیاں اور بیس دوسرے سال میں چلنے والے اونٹ، اور بیس تیسرے سال میں چلنے والی اونٹنیاں۔ [مصنف ابن ابي شيبه/كتاب الديات/حدیث: 28456]

ابراہیم عبداللہ سے اسی طرح روایت کرتے ہیں۔ [مصنف ابن ابي شيبه/كتاب الديات/حدیث: 28457]

علی رضی اللہ عنہ فرمایا کرتے تھے کہ قتل خطا میں دیت چار حصوں میں ہوگی۔ پچیس چو تھے سال والی، اور پچیس پانچویں سال والی، اور پچیس تیسرے سال والی اور پچیس دوسرے سال والی۔ [مصنف ابن ابي شيبه/كتاب الديات/حدیث: 28458]

ابراہیم سے مروی ہے کہ علی رضی اللہ عنہ فرمایا کرتے تھے کہ قتل خطا میں دیت چار حصوں میں ہوگی۔ پچیس چوتھے سال والی، اور پچیس پانچویں سال والی، اور پچیس تیسرے سال والی اور پچیس دوسرے سال والی۔ [مصنف ابن ابي شيبه/كتاب الديات/حدیث: 28459]

عمر اور عبداللہ نے فرمایا کہ قتل خطا کی دیت پانچ حصوں میں ہوگی۔ [مصنف ابن ابي شيبه/كتاب الديات/حدیث: 28460]