حضرت زید بن ثابت اور حضرت علی رضی اللہ عنہ اور حضرت عروہ بن زبیر اور حضرت عمرو بن شعیب ان تمام کا ارشاد ہے کہ دونوں خصیے برابر ہیں۔ [مصنف ابن ابي شيبه/كتاب الديات/حدیث: 28901]

حضرت علی رضی اللہ عنہ سے بھی یہی مروی ہے۔ [مصنف ابن ابي شيبه/كتاب الديات/حدیث: 28902]

حضرت عروہ بن زبیر سے بھی یہی مروی ہے۔ [مصنف ابن ابي شيبه/كتاب الديات/حدیث: 28903]

حضرت عمرو بن شعیب سے مروی ہے کہ ان حضرات نے فرمایا کہ دونوں خصیے برابر ہیں۔ [مصنف ابن ابي شيبه/كتاب الديات/حدیث: 28904]

حضرت مجاہد کا ارشاد ہے کہ خصیتین میں دیت پوری ہوگی یعنی پچاس پچاس اونٹ ہوں گے۔ [مصنف ابن ابي شيبه/كتاب الديات/حدیث: 28905]

حضرت ابن جریج، حضرت عطاء سے نقل کرتے ہیں کہ میں نے ان سے خصیتین کے بارے میں سوال کیا؟ تو انہوں نے کہا کہ پچاس پچاس اونٹ دیت ہیں لیکن میں نے یہ کسی مضبوط (ثقہ) راوی سے نہیں سنا۔ [مصنف ابن ابي شيبه/كتاب الديات/حدیث: 28906]

حضرت عبداللہ سے مروی ہے کہ خصیتین برابر ہیں (یعنی دیت میں)۔ [مصنف ابن ابي شيبه/كتاب الديات/حدیث: 28907]

حضرت عبداللہ کا ارشاد ہے کہ خصیتین دیت میں برابر ہیں۔ [مصنف ابن ابي شيبه/كتاب الديات/حدیث: 28908]

حضرت سعید بن مسیب کا ارشاد ہے کہ بائیں خصیہ میں دو تہائی دیت ہے اور دائیں میں ایک تہائی دیت ہے حضرت داؤد فرماتے ہیں کہ میں نے سوال کیا کہ ایسا کیوں ہے؟ انہوں نے جواب دیا کہ یہ اس لیے ہے کہ جب بایاں خصیہ ضائع ہوجائے تو اولاد نہیں ہوتی اور اگر دایاں چلا جائے تو اولاد ہوسکتی ہے۔ [مصنف ابن ابي شيبه/كتاب الديات/حدیث: 28909]

حضرت منصور کا ارشاد ہے کہ میں نے یہ بات ابراہیم سے بیان کی تو انہوں نے جواب دیا کہ یہ دونوں برابر ہیں۔ [مصنف ابن ابي شيبه/كتاب الديات/حدیث: 28910]