حضرت سعیدبن مسیب کا ارشاد ہے کہ تمام اعضاء میں فیصلہ ہے۔ [مصنف ابن ابي شيبه/كتاب الديات/حدیث: 28871]

حضرت زید بن ثابت سے مروی ہے کہ جب پنڈلی ٹوٹ جائے تو اس میں پچاس دینار ہیں اور جب وہ ٹیڑھی جڑ جائے تو اس میں پچاس دینار ہیں اور ٹیڑھے پن میں وہ ہے جو اس کا بنتا ہو۔ [مصنف ابن ابي شيبه/كتاب الديات/حدیث: 28872]

حضرت سلیمان یسار فرماتے ہیں کہ کلائی، پنڈلی، بازو اور ران جب ٹوٹ جائیں اور جڑ جائیں تو اس میں دو، دو جوان اونٹنیاں دیت ہیں۔ [مصنف ابن ابي شيبه/كتاب الديات/حدیث: 28873]

حضرت ابن جریج، عطاء سے نقل کرتے ہیں کہ میں نے ان سے سوال کیا کہ اگر ہاتھ یا پاؤں یا ہنسلی کی ہڈی ٹوٹ کر پھر جڑ جائے اور سیدھی ہوجائے؟ انہوں نے جواب دیا کہ اس میں کچھ تاوان ہے لیکن مجھ تک نہیں پہنچ سکی یہ بات کہ وہ کتنا یا کیا ہے۔ [مصنف ابن ابي شيبه/كتاب الديات/حدیث: 28874]

حسن سے اس شخص کے بارے میں کہ جس کا ہاتھ ٹوٹ گیا ہو مروی ہے کہ اس کو اس کے ہاتھ کا بدلہ دیا جائے گا۔ [مصنف ابن ابي شيبه/كتاب الديات/حدیث: 28875]

راوی کہتے ہیں کہ محمد نے فرمایا کہ شریح نے فرمایا: اس کو معالج کی اجرت دی جائے گی۔ [مصنف ابن ابي شيبه/كتاب الديات/حدیث: 28876]

حضرت حسن اس شخص کے بارے میں کہ جس کی کلائی ٹوٹ گئی پھر جڑ گئی ہو فرماتے ہیں کہ اس کو کچھ تھوڑا بہت دے دیا جائے گا۔ [مصنف ابن ابي شيبه/كتاب الديات/حدیث: 28877]

حضرت زید بن ثابت سے مروی ہے کہ انہوں نے ناخن میں جب وہ گرجائے اور نہ نکلے یا متغیر ہو کر نکلے دس دینار کا فیصلہ فرمایا اور اگر سفید ناخن نکل آئے تو پانچ دینار کا فیصلہ فرمایا ہے۔ [مصنف ابن ابي شيبه/كتاب الديات/حدیث: 28878]

حضرت ابن عباس رضی اللہ عنہما سے مروی ہے کہ ناخن جب عیب دار ہوجائے تو اس میں انگلی کی دیت کا پانچواں حصہ ہے۔ [مصنف ابن ابي شيبه/كتاب الديات/حدیث: 28879]

حضرت ابن عباس رضی اللہ عنہما نے ایک آدمی کے ناخن کے بارے میں کہ جس کو دوسرے آدمی نے خراب کردیا پھر وہ عیب دار ہوگیا انگلی کی دیت کے دسویں حصہ کا فیصلہ فرمایا۔ [مصنف ابن ابي شيبه/كتاب الديات/حدیث: 28880]