حضرت ابی ّ بن کعب فرماتے ہیں رسول اللہ صلی اللہ علیہ وآلہ وسلم نے ارشاد فرمایا: مجھے حکم دیا گیا ہے کہ میں تجھے قرآن سناؤں۔ ابی نے عرض کیا: کیا آپ کے رب نے میرا نام لیا ہے؟ آپ صلی اللہ علیہ وآلہ وسلم نے فرمایا: جی ہاں! تو حضرت ابی نے فرمایا کہہ دیجیے: اللہ کے فضل اور اس کی رحمت سے ہے سو اس پر چاہیے ان کو خوش ہونا۔ یہ بہتر ہے ان سب چیزوں سے جو یہ جمع کر رہے ہیں۔ [مصنف ابن ابي شيبه/كتاب فضائل القرآن/حدیث: 32313]

حضرت اعمش فرماتے ہیں کہ حضرت عبد اللہ بن مسعود رضی اللہ عنہ کو بتلایا گیا، فلاں شخص قرآن کو الٹی طرف سے پڑھتا ہے! تو حضرت عبد اللہ نے فرمایا: وہ الٹے دل والا ہے۔ [مصنف ابن ابي شيبه/كتاب فضائل القرآن/حدیث: 32314]

حضرت عنترہ فرماتے ہیں کہ میں نے حضرت ابن عباس رضی اللہ عنہما سے سوال کیا: کون سا عمل سب سے افضل ہے؟ آپ نے فرمایا: اللہ کا ذکر کرنا بہت بڑا عمل ہے۔ اور کوئی قوم کسی گھر میں بیٹھ کر کتاب اللہ کے پڑھنے پڑھانے میں مشغول نہیں ہوتی اور اس کا دور نہیں کرتی مگر یہ کہ ملائکہ ان پر اپنے پروں سے سایہ کرتے ہیں اور وہ جب تک اس جگہ میں ہوتے ہیں وہ اللہ کے مہمان ہوتے ہیں یہاں تک کہ وہ کسی اور بات میں مشغول ہوجائیں۔ [مصنف ابن ابي شيبه/كتاب فضائل القرآن/حدیث: 32315]

حضرت ابو رجاء فرماتے ہیں کہ میں نے امام محمد سے مصاحف میں نقطے لگانے کے متعلق پوچھا؟ تو آپ نے فرمایا: مجھے ڈر ہے کہ وہ کسی حرف کا اضافہ کردیں گے یا کوئی حرف کم کردیں گے۔ [مصنف ابن ابي شيبه/كتاب فضائل القرآن/حدیث: 32316]

حضرت خالد فرماتے ہیں کہ میں نے حضرت ابن سیرین کو نقطے لگے ہوئے مصحف میں پڑھتے ہوئے دیکھا۔ [مصنف ابن ابي شيبه/كتاب فضائل القرآن/حدیث: 32317]

حضرت مغر ہ فرماتے ہیں کہ حضرت ابراہیم نقطے لگانے کو مکروہ سمجھتے تھے۔ [مصنف ابن ابي شيبه/كتاب فضائل القرآن/حدیث: 32318]

حضرت ھذلی فرماتے ہیں کہ حضرت حسن نے ارشاد فرمایا: سرخ نقطے لگانے میں کوئی حرج نہیں۔ [مصنف ابن ابي شيبه/كتاب فضائل القرآن/حدیث: 32319]

حضرت خالد یا کسی اور راوی فرماتے ہیں کہ میں نے حضرت ابن سیرین کو دیکھا کہ وہ نقطے لگے ہوئے مصحف میں سے تلاوت فرما رہے تھے۔ [مصنف ابن ابي شيبه/كتاب فضائل القرآن/حدیث: 32320]