حضرت وکیع فرماتے ہیں کہ مالک نے طلحہ سے نقل کیا کہ وہ اپنی دونوں ٹانگیں ایک جانب لٹکائے ہوئے تھے۔ [مصنف ابن ابي شيبه/كتاب السير/حدیث: 35970]

حضرت سلام فرماتے ہیں کہ جب حضرت حذیفہ رضی اللہ عنہ نے ان کے سامنے عہد نامہ پڑھ کر سنایا تو لوگوں نے عرض کی سوال کیجئے۔ انہوں نے فرمایا کہ میں تم سے اپنے کھانے کیلئے کھانا اور اس گدھے کیلئے چارہ مانگتا ہوں۔ پھر وہ ان میں رہے جتنا اللہ نے چاہا، پھر حضرت عمر رضی اللہ عنہ نے ان کو لکھا کہ آجائیں۔ پس حضرت حذیفہ رضی اللہ عنہ نکل پڑے۔ حضرت عمر رضی اللہ عنہ کو جب ان کے آنے کی خبر ملی تو ایسی جگہ چھپ گئے جہاں سے انہیں دیکھ سکیں۔ پھر جب ان کو اسی حال میں دیکھا جس حال میں وہ ان کے پاس سے نکلے تھے تو حضرت عمر رضی اللہ عنہ ان کے پاس آئے، ان کو گلے لگایا اور فرمایا آپ میرے بھائی ہیں اور میں آپ کا بھائی ہوں۔ [مصنف ابن ابي شيبه/كتاب السير/حدیث: 35971]

حضرت حسن رحمہ اللہ فرماتے ہیں کہ رسول اکرم صلی اللہ علیہ وسلم نے ارشاد فرمایا: خالق کی نافرمانی میں مخلوق کی اطاعت جائز نہیں۔ [مصنف ابن ابي شيبه/كتاب السير/حدیث: 35972]