🏠 👥 🔍 🧩 🅰️ 📌 ↩️

الحمدللہ ! آج حدیث مبارک کی دو نئی کتب مسند أبي يعلى الموصلي اور المعجم الأوسط اردو عربی سرچ سہولت کے ساتھ پیش کر دی گئی ہے۔ News
مجمع الزاوئد ومنبع الفوائد سے متعلقہ
تمام کتب
ترقیم شاملہ
عربی
اردو
حدیث کتب میں نمبر سے حدیث تلاش کریں:

مجمع الزاوئد ومنبع الفوائد میں نمبر سے تلاش کل احادیث (18776)
حدیث نمبر لکھیں:
مجمع الزاوئد ومنبع الفوائد میں عربی لفظ/الفاظ تلاش کریں
عربی لفظ / الفاظ لکھیں:
مجمع الزاوئد ومنبع الفوائد میں اردو لفظ/الفاظ تلاش کریں
اردو لفظ / الفاظ لکھیں:
44. بَابُ أَدْعِيَةِ الصَّحَابَةِ - رَضِيَ اللَّهُ عَنْهُمْ .
صحابہ کرام رضی اللہ عنہم کی دعاؤں کا بیان
اظهار التشكيل
حدیث نمبر: 17437
وَعَنْ عَبْدِ اللَّهِ بْنِ عُكَيْمٍ: أَنَّ ابْنَ مَسْعُودٍ كَانَ يَدْعُو: اللَّهُمَّ زِدْنِي إِيمَانًا، وَيَقِينًا، وَفَهْمًا - أَوْ قَالَ: عِلْمًا.
رَوَاهُ الطَّبَرَانِيُّ، وَإِسْنَادُهُ جَيِّدٌ.
عبدالله بن عکیم بیان کرتے ہیں: سیدنا عبداللہ بن مسعود رضی اللہ عنہ یہ دعا کیا کرتے تھے:
«اللَّهُمَّ زِدْنِي إِيمَانًا، وَيَقِينًا، وَفَهْمًا - أَوْ قَالَ: عِلْمًا»
”اے اللہ! میرے ایمان، یقین، فہم۔ (راوی کو شک ہے، شاید یہ الفاظ ہیں:)۔ علم میں اضافہ فرما۔“
یہ روایت امام طبرانی نے نقل کی ہے اور اس کی سند عمدہ ہے۔ [مجمع الزاوئد ومنبع الفوائد/كتاب الأدعية/حدیث: 17437]
تخریج الحدیث: «اخرجه الطبراني فى المعجم الكبير (8549)»

الحكم على الحديث:
إسنادہ جید
مزید تخریج الحدیث شرح دیکھیں
اظهار التشكيل
حدیث نمبر: 17438
وَعَنْ ثَوْرِ بْنِ يَزِيدَ قَالَ: كَانَ مُعَاذٌ إِذَا تَهَجَّدَ مِنَ اللَّيْلِ قَالَ: اللَّهُمَّ نَامَتِ الْعُيُونُ، وَغَارَتِ النُّجُومُ، وَأَنْتَ حَيٌّ قَيُّومٌ، اللَّهُمَّ طَلَبِي لِلْجَنَّةِ بَطِيءٌ، وَهَرَبِي مِنَ النَّارِ ضَعِيفٌ، اللَّهُمَّ اجْعَلْ لِي عِنْدَكَ هَدْيًا تَرُدُّهُ إِلَيَّ يَوْمَ الْقِيَامَةِ، إِنَّكَ لَا تُخْلِفُ الْمِيعَادَ. رَوَاهُ الطَّبَرَانِيُّ، وَإِسْنَادُهُ مُنْقَطِعٌ.
ثور بن یزید بیان کرتے ہیں: سیدنا معاذ بن جبل رضی اللہ عنہ جب رات کے وقت تہجد کی نماز ادا کرتے تھے تو یہ پڑھتے تھے:
«اللَّهُمَّ نَامَتِ الْعُيُونُ، وَغَارَتِ النُّجُومُ، وَأَنْتَ حَيٌّ قَيُّومٌ، اللَّهُمَّ طَلَبِي لِلْجَنَّةِ بَطِيءٌ، وَهَرَبِي مِنَ النَّارِ ضَعِيفٌ، اللَّهُمَّ اجْعَلْ لِي عِنْدَكَ هَدْيًا تَرُدُّهُ إِلَيَّ يَوْمَ الْقِيَامَةِ، إِنَّكَ لَا تُخْلِفُ الْمِيعَادَ»
”اے اللہ! آنکھیں سو گئی ہیں، ستارے ڈوب چلے ہیں، تو زندہ اور قیوم ہے، اے اللہ! جنت کے لئے میری طلب سست ہے اور جہنم سے میرا بھاگنا کمزور ہے، اے اللہ! اپنی بارگاہ میں، میرے لئے ایک ایسا تحفہ رکھ لے، جسے تو قیامت کے دن مجھے دے دینا، بے شک تو وعدے کے خلاف نہیں کرتا۔“
یہ روایت امام طبرانی نے نقل کی ہے اور اس کی سند منقطع ہے۔ [مجمع الزاوئد ومنبع الفوائد/كتاب الأدعية/حدیث: 17438]
تخریج الحدیث: «اخرجه الطبراني فى المعجم الكبير (34/20)»

الحكم على الحديث:
إسنادہ منقطع۔
مزید تخریج الحدیث شرح دیکھیں
اظهار التشكيل
حدیث نمبر: 17439
وَعَنْ عَبْدِ اللَّهِ بْنِ قُرْطٍ قَالَ: أَزْحَفُ عَلَى بَعِيرٍ لِي، وَأَنَا مَعَ خَالِدِ بْنِ الْوَلِيدِ، فَأَرَدْتُ أَنْ أَتْرُكَهُ فَدَعَوْتُ اللَّهَ فَأَقَامَهُ لِي فَرَكِبْتُ. رَوَاهُ الطَّبَرَانِيُّ، وَإِسْنَادُهُ جَيِّدٌ.
عبداللہ بن قرط بیان کرتے ہیں: میرا اونٹ سفر کے دوران تھکاوٹ کا شکار ہو کر رک گیا، میں سیدنا خالد بن ولید رضی اللہ عنہ کے ساتھ تھا، میں نے یہ ارادہ کیا کہ میں اسے چھوڑ دیتا ہوں، لیکن پھر میں نے اللہ تعالیٰ سے دعا کی، تو اللہ تعالیٰ نے اُسے میرے لئے ٹھیک کر دیا اور میں سوار ہو گیا۔
یہ روایت امام طبرانی نے نقل کی ہے اور اس کی سند عمدہ ہے۔ [مجمع الزاوئد ومنبع الفوائد/كتاب الأدعية/حدیث: 17439]

الحكم على الحديث:
إسنادہ جید۔
مزید تخریج الحدیث شرح دیکھیں
45. بَابُ طَلَبِ الدُّعَاءِ مِنَ الصَّالِحِينَ .
نیک لوگوں سے دعا کی درخواست کرنا
اظهار التشكيل
حدیث نمبر: 17440
عَنْ بُرَيْدَةَ قَالَ: بَيْنَمَا النَّبِيُّ - صَلَّى اللَّهُ عَلَيْهِ وَسَلَّمَ - فِي مَسِيرٍ لَهُ إِذْ أَتَى عَلَى رَجُلٍ يَتَقَلَّبُ فِي الرَّمْضَاءِ ظُهْرًا لِبَطْنٍ يَقُولُ: يَا نَفْسُ نَوْمٌ بِاللَّيْلِ، وَبَاطِلٌ بِالنَّهَارِ، وَتَرْجِينَ الْجَنَّةَ؟ فَلَمَّا قَضَى دَأْبَ نَفْسِهِ أَقْبَلَ إِلَيْنَا فَقَالَ:" دُونَكُمْ أَخُوكُمْ"، قُلْنَا: ادْعُ اللَّهَ لَنَا - يَرْحَمُكَ اللَّهُ - قَالَ: اللَّهُمَّ اجْمَعْ عَلَى الْهُدَى أَمْرَهُمْ، قُلْنَا: زِدْنَا، قَالَ: اللَّهُمَّ اجْعَلِ التَّقْوَى زَادَهُمْ، قُلْنَا: زِدْنَا، فَقَالَ النَّبِيُّ - صَلَّى اللَّهُ عَلَيْهِ وَسَلَّمَ:" زِدْهُمْ"، قَالَ:" اللَّهُمَّ وَفِّقْهُ"، فَقَالَ: اللَّهُمَّ اجْعَلِ الْجَنَّةَ مَآبَهُمْ.
رَوَاهُ الطَّبَرَانِيُّ مِنْ طَرِيقِ أَبِي عَبْدِ اللَّهِ - صَاحِبِ الصَّدَقَةِ - عَنْ عَلْقَمَةَ بْنِ مَرْثَدٍ وَلَمْ أَعْرِفْهُ، وَبَقِيَّةُ رِجَالِهِ ثِقَاتٌ.
سیدنا بریدہ رضی اللہ عنہ بیان کرتے ہیں: ایک مرتبہ نبی اکرم صلی اللہ علیہ وسلم سفر کر رہے تھے، اسی دوران آپ کا گزر ایک شخص کے پاس سے ہوا، جو ریت پر الٹ پلٹ ہو رہا تھا اور یہ کہہ رہا تھا: اے نفس! راتوں کو سونے والے! اور دن کے وقت باطل کام کرنے والے! تم جنت کی امید رکھتے ہو؟ جب اس نے اپنے نفس کی سرزنش مکمل کی، تو وہ ہماری طرف آیا، نبی اکرم صلی اللہ علیہ وسلم نے ارشاد فرمایا: تم اپنے بھائی کو سنبھالو! ہم نے کہا: تم ہمارے لئے اللہ تعالیٰ سے دعا کرو، اللہ تعالیٰ تم پر رحم کرے، اس نے کہا: اے اللہ! ان کے معاملے کو ہدایت پر جمع کر دے، ہم نے کہا: مزید دعا کرو! اس نے کہا: اے اللہ! تقویٰ کو ان کا زاد سفر بنا دے، ہم نے کہا: مزید دعا کرو! نبی اکرم صلی اللہ علیہ وسلم نے فرمایا: تم انہیں مزید دعا دو! پھر نبی اکرم صلی اللہ علیہ وسلم نے دعا کی: اے اللہ! تو اسے توفیق دینا، تو اس شخص نے یہ کہا: اے اللہ! تو جنت کو ان کا ٹھکانہ بنا دے۔
یہ روایت امام طبرانی نے ابوعبداللہ کے حوالے سے نقل کی ہے، جو صدقہ (کی وصولی) والے تھے، انہوں نے اسے علقمہ بن مرثد سے نقل کیا ہے اور میں اس سے واقف نہیں ہوں، اس کے بقیہ رجال ”ثقہ“ ہیں۔ [مجمع الزاوئد ومنبع الفوائد/كتاب الأدعية/حدیث: 17440]
تخریج الحدیث: «اخرجه الطبراني فى المعجم الكبير (1159)، أخرجه المعجم الكبير للطبراني برقم: 1159»

الحكم على الحديث:
إسنادہ صحیح
مزید تخریج الحدیث شرح دیکھیں
46. بَابُ الدُّعَاءِ لِقَضَاءِ الدَّيْنِ .
قرض کی ادائیگی کے لئے دعا کرنا
اظهار التشكيل
حدیث نمبر: 17441
عَنْ مُعَاذِ بْنِ جَبَلٍ: أَنَّ النَّبِيَّ - صَلَّى اللَّهُ عَلَيْهِ وَسَلَّمَ - افْتَقَدَهُ يَوْمَ الْجُمُعَةِ، فَلَمَّا صَلَّى رَسُولُ اللَّهِ - صَلَّى اللَّهُ عَلَيْهِ وَسَلَّمَ - أَتَىمُعَاذًا فَقَالَ:" يَا مُعَاذُ، مَا لِي لَمْ أَرَكَ؟"، فَقَالَ: يَا رَسُولَ اللَّهِ، لِيَهُودِيٍّ عِنْدِي وَقِيَّةٌ مِنْ تِبْرٍ، فَخَرَجْتُ إِلَيْكَ فَحَبَسَنِي عَنْكَ، فَقَالَ لَهُ رَسُولُ اللَّهِ - صَلَّى اللَّهُ عَلَيْهِ وَسَلَّمَ:" يَا مُعَاذُ، أَلَا أُعَلِّمُكَ دُعَاءً تَدْعُو بِهِ لَوْ كَانَ عَلَيْكَ مِنَ الدَّيْنِ مِثْلُ صُبْرَ أَدَّاهُ عَنْكَ؟" - وَصُبْرَ: جَبَلٌ بِالْيَمَنِ -" فَادْعُ اللَّهَ يَا مُعَاذُ، قُلِ: اللَّهُمَّ مَالِكَ الْمُلْكِ، تُؤْتِي الْمُلْكَ مَنْ تَشَاءُ، وَتَنْزِعُ الْمُلْكَ مِمَّنْ تَشَاءُ، وَتُعِزُّ مَنْ تَشَاءُ، وَتُذِلُّ مَنْ تَشَاءُ، بِيَدِكَ الْخَيْرُ، إِنَّكَ عَلَى كُلِّ شَيْءٍ قَدِيرٌ، تُولِجُ اللَّيْلَ فِي النَّهَارِ، وَتُولِجُ النَّهَارَ فِي اللَّيْلِ، وَتُخْرِجُ الْحَيَّ مِنَ الْمَيِّتِ، وَتُخْرِجُ الْمَيِّتَ مِنَ الْحَيِّ، وَتَرْزُقُ مَنْ تَشَاءُ بِغَيْرِ حِسَابٍ، رَحْمَنُ الدُّنْيَا وَالْآخِرَةِ وَرَحِيمُهُمَا، تُعْطِي مِنْهُمَا مَنْ تَشَاءُ، وَتَمْنَعُ مَنْ تَشَاءُ، ارْحَمْنِي رَحْمَةً تُغْنِينِي بِهَا عَنْ رَحْمَةِ مَنْ سِوَاكَ".
سیدنا معاذ بن جبل رضی اللہ عنہ بیان کرتے ہیں: ایک مرتبہ جمعہ کے دن نبی اکرم صلی اللہ علیہ وسلم نے انہیں غیر موجود پایا، جب نبی اکرم صلی اللہ علیہ وسلم نے نماز ادا کر لی، تو آپ سیدنا معاذ رضی اللہ عنہ کے پاس تشریف لائے، آپ نے فرمایا: اے معاذ! کیا وجہ ہے، آج میں نے تمہیں نہیں دیکھا، انہوں نے عرض کی: یا رسول اللہ! میں نے ایک یہودی کا ایک اوقیہ دینا ہے، جب میں آپ کی طرف آنے کے لیے نکلا، تو اس نے مجھے روک لیا، نبی اکرم صلی اللہ علیہ وسلم نے سیدنا معاذ رضی اللہ عنہ سے فرمایا: اے معاذ! کیا میں تمہیں ایسے کلمات کی تعلیم نہ دوں کہ جب تم ان کے ہمراہ دعا کرو گے، تو اگر تم پر ”صبر“ جتنا قرض ہو گا، تو اللہ تعالیٰ وہ تمہاری طرف سے ادا کروا دے گا۔“
راوی بیان کرتے ہیں: ”صبر“ یمن میں موجود ایک پہاڑ کا نام ہے۔ (نبی اکرم صلی اللہ علیہ وسلم نے فرمایا:) اے معاذ! تم اللہ تعالیٰ سے دعا کرتے ہوئے یہ پڑھو:
«اللَّهُمَّ مَالِكَ الْمُلْكِ، تُؤْتِي الْمُلْكَ مَنْ تَشَاءُ، وَتَنْزِعُ الْمُلْكَ مِمَّنْ تَشَاءُ، وَتُعِزُّ مَنْ تَشَاءُ، وَتُذِلُّ مَنْ تَشَاءُ، بِيَدِكَ الْخَيْرُ، إِنَّكَ عَلَى كُلِّ شَيْءٍ قَدِيرٌ، تُولِجُ اللَّيْلَ فِي النَّهَارِ، وَتُولِجُ النَّهَارَ فِي اللَّيْلِ، وَتُخْرِجُ الْحَيَّ مِنَ الْمَيِّتِ، وَتُخْرِجُ الْمَيِّتَ مِنَ الْحَيِّ، وَتَرْزُقُ مَنْ تَشَاءُ بِغَيْرِ حِسَابٍ، رَحْمَنُ الدُّنْيَا وَالْآخِرَةِ وَرَحِيمُهُمَا، تُعْطِي مِنْهُمَا مَنْ تَشَاءُ، وَتَمْنَعُ مَنْ تَشَاءُ، ارْحَمْنِي رَحْمَةً تُغْنِينِي بِهَا عَنْ رَحْمَةِ مَنْ سِوَاكَ» ”اے اللہ! اے بادشاہی کے مالک، تو جسے چاہتا ہے، حکومت عطا کر دیتا ہے، اور جس سے چاہتا ہے، حکومت الگ کر دیتا ہے، اور تو جسے چاہتا ہے، عزت دیتا ہے، اور جسے چاہتا ہے، ذلت دیتا ہے، ہر قسم کی بھلائی تیرے ہاتھ میں ہے، بے شک تو ہر شے پر قدرت رکھتا ہے، تو رات کو دن میں داخل کرتا ہے، اور دن کو رات میں داخل کرتا ہے، تو مردہ میں سے زندہ نکال دیتا ہے، اور زندہ میں سے مردہ نکال دیتا ہے، اور تو جسے چاہتا ہے، کسی حساب کے بغیر رزق عطا کرتا ہے، اے دنیا اور آخرت کے رحمان! اور ان دونوں کے رحیم! تو ان دونوں (یعنی دنیا اور آخرت) میں سے، جس کو چاہے عطا کر دیتا ہے، اور جس کو چاہے عطا نہیں کرتا، تو مجھ پر ایسی رحمت کر دے، جس کے ذریعے تو اپنی رحمت کے علاوہ، ہر ایک سے مجھے بے نیاز کر دے۔“ [مجمع الزاوئد ومنبع الفوائد/كتاب الأدعية/حدیث: 17441]
تخریج الحدیث: «اخرجه الطبراني فى المعجم الكبير (154/20)، أخرجه المعجم الصغير للطبراني برقم: 531»

الحكم على الحديث:
إسنادہ ضعیف جدا
مزید تخریج الحدیث شرح دیکھیں
اظهار التشكيل
حدیث نمبر: 17442
وَفِي رِوَايَةٍ: عَنْ مُعَاذٍ قَالَ: كَانَ لِرَجُلٍ عَلَيَّ بَعْضُ الْحَقِّ فَخَشِيتُهُ، فَلَبِثْتُ يَوْمَيْنِ لَا أَخْرُجُ، ثُمَّ خَرَجْتُ فَجِئْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - فَقَالَ:" يَا مُعَاذُ، مَا خَلَّفَكَ؟"، قُلْتُ: كَانَ لِرَجُلٍ عَلَيَّ بَعْضُ الْحَقِّ فَخَشِيتُهُ حَتَّى اسْتَحْيَيْتُ، وَكَرِهْتُ أَنْ يَلْقَانِي، قَالَ:" أَلَا آمُرُكَ بِكَلِمَاتٍ لَوْ كَانَ عَلَيْكَ أَمْثَالُ الْجِبَالِ قَضَاهُ اللَّهُ؟"، قُلْتُ: بَلَى، قَالَ:" قُلِ: اللَّهُمَّ مَالِكَ الْمُلْكِ"، فَذَكَرَ نَحْوَهُ بِاخْتِصَارٍ وَزَادَ فِي آخِرِهِ:" اللَّهُمَّ أَغْنِنِي مِنَ الْفَقْرِ، وَاقْضِ عَنِّي الدَّيْنَ، وَتَوَفَّنِي فِي عِبَادَتِكَ، وَجِهَادٍ فِي سَبِيلِكَ".
رَوَاهُ كُلَّهُ الطَّبَرَانِيُّ، وَفِي الرِّوَايَةِ الْأُولَى نَصْرُ بْنُ مَرْزُوقٍ وَلَمْ أَعْرِفْهُ، وَبَقِيَّةُ رِجَالِهَا ثِقَاتٌ، إِلَّا أَنَّ سَعِيدَ بْنَ الْمُسَيَّبِ لَمْ يَسْمَعْ مِنْ مُعَاذٍ، وَفِي الرِّوَايَةِ الثَّانِيَةِ مَنْ لَمْ أَعْرِفْهُ.
ایک روایت میں یہ الفاظ ہیں: ”سیدنا معاذ رضی اللہ عنہ بیان کرتے ہیں: ایک شخص کا حق میرے ذمہ واجب الادا تھا، مجھے اس کے حوالے سے اندیشہ ہوا، تو میں دو دن گھر میں ہی رہا، باہر نہیں نکلا، پھر جب میں باہر نکلا اور نبی اکرم صلی اللہ علیہ وسلم کی خدمت میں حاضر ہوا، تو آپ صلی اللہ علیہ وسلم نے دریافت کیا: اے معاذ! تم کہاں رہے؟ میں نے عرض کی: ایک شخص کا کچھ حق میرے ذمہ تھا، مجھے اس کے حوالے سے اتنا اندیشہ تھا کہ مجھے حیا آئی اور مجھے یہ بات اچھی نہیں لگی کہ اس کی مجھ سے ملاقات ہو، نبی اکرم صلی اللہ علیہ وسلم نے فرمایا: کیا میں تمہیں کچھ کلمات کے بارے میں ہدایت نہ کروں، کہ اگر تمہارے ذمہ پہاڑوں جتنا قرض ہو، تو اللہ تعالیٰ اسے ادا کروا دے گا، میں نے عرض کی: جی ہاں! نبی اکرم صلی اللہ علیہ وسلم نے فرمایا: تم یہ پڑھو: ”اے اللہ! اے بادشاہی کے مالک!۔۔۔۔۔“۔ اس کے بعد راوی نے حسب سابق روایت اختصار کے ساتھ نقل کی ہے، اور اس کے آخر میں یہ الفاظ زائد نقل کئے ہیں:
«اللَّهُمَّ أَغْنِنِي مِنَ الْفَقْرِ، وَاقْضِ عَنِّي الدَّيْنَ، وَتَوَفَّنِي فِي عِبَادَتِكَ، وَجِهَادٍ فِي سَبِيلِكَ»
”اے اللہ! مجھے غربت سے بے نیاز کر دے، اور میرا قرض ادا کروا دے اور مجھے اپنی عبادت میں اور اپنی راہ میں جہاد کرتے ہوئے موت دینا۔“
یہ تمام روایات امام طبرانی نے نقل کی ہیں، پہلی روایت میں ایک راوی نصر بن مرزوق ہے، اور میں اس سے واقف نہیں ہوں، اس روایت کے بقیہ رجال ”ثقہ“ ہیں، البتہ سعید بن مسیب نے سیدنا معاذ رضی اللہ عنہ سے سماع نہیں کیا ہے اور دوسری روایت میں ایسا راوی ہے جس سے میں واقف نہیں ہوں۔ [مجمع الزاوئد ومنبع الفوائد/كتاب الأدعية/حدیث: 17442]
تخریج الحدیث: «اخرجه الطبراني فى المعجم الكبير (159/20)»

الحكم على الحديث:
إسنادہ ضعیف
مزید تخریج الحدیث شرح دیکھیں
اظهار التشكيل
حدیث نمبر: 17443
وَعَنْ أَنَسِ بْنِ مَالِكٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - لِمُعَاذٍ:" أَلَا أُعَلِّمُكَ دُعَاءً تَدْعُو بِهِ لَوْ كَانَ عَلَيْكَ مِثْلُ جَبَلِ أُحُدٍ دَيْنًا لَأَدَّى اللَّهُ عَنْكَ؟ قُلْ يَا مُعَاذُ: اللَّهُمَّ مَالِكَ الْمُلْكِ، تُؤْتِي الْمُلْكَ مَنْ تَشَاءُ، وَتَنْزِعُ الْمُلْكَ مِمَّنْ تَشَاءُ، وَتُعِزُّ مَنْ تَشَاءُ، وَتُذِلُّ مَنْ تَشَاءُ، بِيَدِكَ الْخَيْرُ، إِنَّكَ عَلَى كُلِّ شَيْءٍ قَدِيرٌ، رَحْمَنُ الدُّنْيَا وَالْآخِرَةِ تُعْطِيهِمَا مَنْ تَشَاءُ، وَتَمْنَعُ مِنْهُمَا مَنْ تَشَاءُ، ارْحَمْنِي رَحْمَةً تُغْنِينِي بِهَا عَنْ رَحْمَةِ مَنْ سِوَاكَ". رَوَاهُ الطَّبَرَانِيُّ فِي الصَّغِيرِ، وَرِجَالُهُ ثِقَاتٌ.
سیدنا انس بن مالک رضی اللہ عنہ روایت کرتے ہیں: نبی اکرم صلی اللہ علیہ وسلم نے سیدنا معاذ رضی اللہ عنہ سے ارشاد فرمایا: کیا میں تمہیں ایسی دعا کی تعلیم نہ دوں کہ اگر تم وہ دعا کر لو گے، تو اگر تم پر احد پہاڑ جتنا قرض ہو گا، تو اللہ تعالیٰ وہ تمہاری طرف سے ادا کروا دے گا، اے معاذ! تم یہ پڑھو:
«اللَّهُمَّ مَالِكَ الْمُلْكِ، تُؤْتِي الْمُلْكَ مَنْ تَشَاءُ، وَتَنْزِعُ الْمُلْكَ مِمَّنْ تَشَاءُ، وَتُعِزُّ مَنْ تَشَاءُ، وَتُذِلُّ مَنْ تَشَاءُ، بِيَدِكَ الْخَيْرُ، إِنَّكَ عَلَى كُلِّ شَيْءٍ قَدِيرٌ، رَحْمَنُ الدُّنْيَا وَالْآخِرَةِ تُعْطِيهِمَا مَنْ تَشَاءُ، وَتَمْنَعُ مِنْهُمَا مَنْ تَشَاءُ، ارْحَمْنِي رَحْمَةً تُغْنِينِي بِهَا عَنْ رَحْمَةِ مَنْ سِوَاكَ»
”اے اللہ! اے بادشاہی کے مالک! تو جسے چاہتا ہے حکومت عطا کرتا ہے، اور جس سے چاہتا ہے حکومت الگ کر دیتا ہے، تو جسے چاہتا ہے عزت دیتا ہے اور جسے چاہتا ہے ذلت دیتا ہے، ہر قسم کی بھلائی تیرے ہاتھ میں ہے، اور بیشک تو ہر شے پر قدرت رکھتا ہے، اے دنیا اور آخرت کے رحمان! تو جس کو چاہتا ہے وہ دونوں (یعنی دنیا اور آخرت) عطا کر دیتا ہے، اور تو جس کو چاہتا ہے، اسے ان دونوں میں سے نہیں دیتا، تو مجھ پر ایسی رحمت کر دے، جس کے ذریعے تو اپنے علاوہ، ہر ایک سے مجھے بے نیاز کر دے۔“
یہ روایت امام طبرانی نے معجم صغیر میں نقل کی ہے اور اس کے رجال ”ثقہ“ ہیں۔ [مجمع الزاوئد ومنبع الفوائد/كتاب الأدعية/حدیث: 17443]
تخریج الحدیث: «اخرجه الطبراني فى المعجم الصغير (558)، أخرجه المعجم الصغير للطبراني برقم: 531، وأخرجه الأحاديث المختارة برقم: 2633»

الحكم على الحديث:
إسنادہ صحیح
مزید تخریج الحدیث شرح دیکھیں
اظهار التشكيل
حدیث نمبر: 17444
وَعَنْ عَائِشَةَ قَالَتْ: قَالَ لِي أَبِي - رَضِيَ اللَّهُ عَنْهُ: أَلَا أُعَلِّمُكِ دُعَاءً عَلَّمَنِيهِ رَسُولُ اللَّهِ - صَلَّى اللَّهُ عَلَيْهِ وَسَلَّمَ - وَقَالَ:" كَانَ عِيسَى - صَلَّى اللَّهُ عَلَيْهِ وَسَلَّمَ - يُعَلِّمُهُ الْحَوَارِيِّينَ"، لَوْ كَانَ عَلَيْكِ دَيْنٌ مِثْلَ أُحُدٍ ثُمَّ قُلْتِهِ ; لَقَضَى اللَّهُ عَنْكِ؟ قَالَتْ: بَلَى، قَالَ: قُولِي:" اللَّهُمَّ فَارِجَ الْهَمِّ، وَكَاشِفَ الْكَرْبِ، مُجِيبَ دَعْوَةِ الْمُضْطَرِّ، رَحْمَنَ الدُّنْيَا وَإِلَهَ الْآخِرَةِ، أَنْتَ رَحْمَانِي فَارْحَمْنِي بِرَحْمَةٍ تُغْنِينِي بِهَا عَمَّنْ سِوَاكَ". رَوَاهُ الْبَزَّارُ، وَفِيهِ الْحَكَمُ بْنُ عَبْدِ اللَّهِ الْأَيْلِيُّ، وَهُوَ مَتْرُوكٌ.
سیدہ عائشہ صدیقہ رضی اللہ عنہا بیان کرتی ہیں: میرے والد نے مجھ سے فرمایا: کیا میں تمہیں ایسی دعا کی تعلیم نہ دوں، جس کی تعلیم نبی اکرم صلی اللہ علیہ وسلم نے مجھے دی تھی، اور آپ نے یہ ارشاد فرمایا تھا: ”سیدنا عیسیٰ علیہ السلام نے اپنے حواریوں کو اس کی تعلیم دی تھی، اگر تمہارے ذمہ اُحد پہاڑ کی مانند قرض ہو اور پھر تم یہ دعا پڑھ لو، تو اللہ تعالیٰ تمہاری طرف سے ادائیگی کروا دے گا۔“ سیدہ عائشہ رضی اللہ عنہا کہتی ہیں: میں نے جواب دیا: جی ہاں! تو انہوں نے فرمایا: تم یہ پڑھو:
«اللَّهُمَّ فَارِجَ الْهَمِّ، وَكَاشِفَ الْكَرْبِ، مُجِيبَ دَعْوَةِ الْمُضْطَرِّ، رَحْمَنَ الدُّنْيَا وَإِلَهَ الْآخِرَةِ، أَنْتَ رَحْمَانِي فَارْحَمْنِي بِرَحْمَةٍ تُغْنِينِي بِهَا عَمَّنْ سِوَاكَ» ”اے اللہ! اے پریشانی کو دور کرنے والے! تکلیف کو ختم کرنے والے! پریشان حال کی دعا قبول کرنے والے! دنیا اور آخرت کے رحمان! تو میرا رحمان ہے، تو مجھ پر ایسی رحمت کر دے، جس کے ذریعے تو اپنے علاوہ ہر ایک سے مجھے بے نیاز کر دے۔“
یہ روایت امام بزار نے نقل کی ہے، اس کی سند میں ایک راوی حکم بن عبداللہ ایلی ہے اور وہ متروک ہے۔ [مجمع الزاوئد ومنبع الفوائد/كتاب الأدعية/حدیث: 17444]
تخریج الحدیث: «اخرجه البزار فى المسند (3177)، أخرجه مسند البزار برقم: 62»

الحكم على الحديث:
إسنادہ ضعیف جداً
مزید تخریج الحدیث شرح دیکھیں
47. بَابُ دُعَاءِ مَنْ أَصَابَهُ هَمٌّ أَوْ حَزَنٌ .
اس شخص کی دعا کا بیان، جسے کوئی پریشانی یا غم لاحق ہوتا ہے
اظهار التشكيل
حدیث نمبر: 17445
عَنْ عَبْدِ اللَّهِ - يَعْنِي ابْنَ مَسْعُودٍ - قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ:" مَا أَصَابَ أَحَدًا قَطُّ هَمٌّ وَلَا حَزَنٌ فَقَالَ: اللَّهُمَّ إِنِّي عَبْدُكَ، وَابْنُ عَبْدِكَ، وَابْنُ أَمَتِكَ، نَاصِيَتِي بِيَدِكَ، مَاضٍ فِيَّ حُكْمُكَ، عَدْلٌ فِيَّ قَضَاؤُكَ، أَسْأَلُكَ بِكُلِّ اسْمٍ هُوَ لَكَ، سَمَّيْتَ بِهِ نَفْسَكَ، أَوْ أَنْزَلْتَهُ فِي كِتَابِكَ، أَوْ عَلَّمْتَهُ أَحَدًا مِنْ خَلْقِكَ، أَوِ اسْتَأْثَرْتَ بِهِ فِي عِلْمِ الْغَيْبِ عِنْدَكَ، أَنْ تَجْعَلَ الْقُرْآنَ رَبِيعَ قَلْبِي، وَنُورَ صَدْرِي، وَجَلَاءَ حُزْنِي، وَذَهَابَ هَمِّي، إِلَّا أَذْهَبَ اللَّهُ - عَزَّ وَجَلَّ - هَمَّهُ، وَأَبْدَلَهُ مَكَانَ حُزْنِهِ فَرَجًا"، قَالُوا: يَا رَسُولَ اللَّهِ، يَنْبَغِي لَنَا أَنْ نَتَعَلَّمَ هَؤُلَاءِ الْكَلِمَاتِ؟ قَالَ:" أَجَلْ يَنْبَغِي لِمَنْ سَمِعَهُنَّ أَنْ يَتَعَلَّمَهُنَّ". رَوَاهُ أَحْمَدُ، وَأَبُو يَعْلَى وَالطَّبَرَانِيُّ وَالْبَزَّارُ، إِلَّا أَنَّهُ قَالَ:" وَذَهَابَ غَمِّي"، مَكَانَ:" هَمِّي". وَرِجَالُ أَحْمَدَ وَأَبِي يَعْلَى رِجَالُ الصَّحِيحِ غَيْرَ أَبِي سَلَمَةَ الْجُهَنِيِّ، وَقَدْ وَثَّقَهُ ابْنُ حِبَّانَ.
سیدنا عبداللہ بن مسعود رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا: ”جب بھی کسی شخص کو کوئی پریشانی یا غم لاحق ہو اور وہ یہ پڑھے:
«اللَّهُمَّ إِنِّي عَبْدُكَ، وَابْنُ عَبْدِكَ، وَابْنُ أَمَتِكَ، نَاصِيَتِي بِيَدِكَ، مَاضٍ فِيَّ حُكْمُكَ، عَدْلٌ فِيَّ قَضَاؤُكَ، أَسْأَلُكَ بِكُلِّ اسْمٍ هُوَ لَكَ، سَمَّيْتَ بِهِ نَفْسَكَ، أَوْ أَنْزَلْتَهُ فِي كِتَابِكَ، أَوْ عَلَّمْتَهُ أَحَدًا مِنْ خَلْقِكَ، أَوِ اسْتَأْثَرْتَ بِهِ فِي عِلْمِ الْغَيْبِ عِنْدَكَ، أَنْ تَجْعَلَ الْقُرْآنَ رَبِيعَ قَلْبِي، وَنُورَ صَدْرِي، وَجَلَاءَ حُزْنِي، وَذَهَابَ هَمِّي، إِلَّا أَذْهَبَ اللَّهُ - عَزَّ وَجَلَّ - هَمَّهُ، وَأَبْدَلَهُ مَكَانَ حُزْنِهِ فَرَجًا» ”اے اللہ! بے شک میں تیرا بندہ ہوں اور تیرے بندے کا بیٹا ہوں اور تیری کنیز کا بیٹا ہوں، میری پیشانی تیرے ہاتھ میں ہے، میرے بارے میں تیرا فیصلہ نافذ ہو گا، میرے بارے میں تیری تقدیر کا فیصلہ عدل کے مطابق ہے، میں ہر اس اسم کے وسیلے سے تجھ سے سوال کرتا ہوں، جو تیرا اسم ہے، اور جس کو تو نے اپنے لئے تجویز کیا ہے، یا جس کو تو نے اپنی کتاب میں نازل کیا ہے، یا جس کو تو نے اپنی مخلوق میں سے کسی کو تعلیم دیا ہے، یا جس کا تعلق اس علم غیب سے ہے، جو تیرے پاس ہے (میں ایسے ہر اسم کے وسیلے سے تجھ سے یہ سوال کرتا ہوں) کہ تو قرآن کو میرے دل کی بہار اور میرے سینے کا نور اور میری غم کی جلا اور میری پریشانی کی رخصتی (کا سبب) بنا دے۔“
نبی اکرم صلی اللہ علیہ وسلم فرماتے ہیں: تو اللہ تعالیٰ اس کی پریشانی ختم کر دے گا اور اس کے غم کی جگہ اسے کشادگی نصیب کر دے گا۔“
لوگوں نے عرض کی: یا رسول اللہ! ہمارے لئے یہ مناسب ہے کہ ہم ان کلمات کو سیکھ لیں، نبی اکرم صلی اللہ علیہ وسلم نے فرمایا: جی ہاں! جو شخص بھی ان کے بارے میں سنتا ہے، اس کے لیے یہ مناسب ہے کہ وہ ان کو سیکھ لے۔“
یہ روایت امام أحمد، امام ابویعلیٰ، امام طبرانی اور امام بزار نے نقل کی ہے، تاہم انہوں نے ”میری پریشانی“ کی جگہ یہ الفاظ نقل کئے ہیں: ”میرے غم۔“ امام أحمد اور امام ابویعلیٰ کے رجال ”صحیح“ کے رجال ہیں، صرف ابوسلمہ جہنی کا معاملہ مختلف ہے، اسے ابن حبان نے ثقہ قرار دیا ہے۔ [مجمع الزاوئد ومنبع الفوائد/كتاب الأدعية/حدیث: 17445]
تخریج الحدیث: «أخرجه مسند أحمد برقم: 3704، وأخرجه المستدرك على الصحيحين برقم: 1920»

الحكم على الحديث:
إسنادہ حسن
مزید تخریج الحدیث شرح دیکھیں
48. بَابُ مَا يَقُولُ إِذَا خَافَ سُلْطَانًا .
جب آدمی کو حکمران کی طرف سے اندیشہ ہو تو وہ کیا پڑھے؟
اظهار التشكيل
حدیث نمبر: 17446
عَنْ عَبْدِ اللَّهِ بْنِ مَسْعُودٍ، عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ:" إِذَا تَخَوَّفَ أَحَدُكُمْ سُلْطَانًا فَلْيَقُلِ: اللَّهُمَّ رَبَّ السَّمَاوَاتِ السَّبْعِ وَرَبَّ الْعَرْشِ الْعَظِيمِ، كُنْ لِي جَارًا مِنْ شَرِّ فُلَانِ بْنِ فُلَانٍ - يَعْنِي الَّذِي يُرِيدُ - وَشَرِّ الْجِنِّ وَالْإِنْسِ وَأَتْبَاعِهِمْ، أَنْ يُفْرِطَ عَلَيَّ أَحَدٌ مِنْهُمْ، عَزَّ جَارُكَ، وَجَلَّ ثَنَاؤُكَ، وَلَا إِلَهَ غَيْرُكَ". رَوَاهُ الطَّبَرَانِيُّ، وَرِجَالُهُ رِجَالُ الصَّحِيحِ غَيْرَ جُنَادَةَ بْنِ سَلْمٍ، وَقَدْ وَثَّقَهُ ابْنُ حِبَّانَ، وَضَعَّفَهُ غَيْرُهُ.
قُلْتُ: وَقَدْ تَقَدَّمَ فِي الْأَذْكَارِ هَذَا الْحَدِيثُ وَغَيْرُهُ.
سیدنا عبداللہ بن مسعود رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں: ”جب تم میں سے کسی ایک کو حکمران کے حوالے سے اندیشہ ہو تو اسے یہ پڑھنا چاہیے:
«اللَّهُمَّ رَبَّ السَّمَاوَاتِ السَّبْعِ وَرَبَّ الْعَرْشِ الْعَظِيمِ، كُنْ لِي جَارًا مِنْ شَرِّ فُلَانِ بْنِ فُلَانٍ - يَعْنِي الَّذِي يُرِيدُ - وَشَرِّ الْجِنِّ وَالْإِنْسِ وَأَتْبَاعِهِمْ، أَنْ يُفْرِطَ عَلَيَّ أَحَدٌ مِنْهُمْ، عَزَّ جَارُكَ، وَجَلَّ ثَنَاؤُكَ، وَلَا إِلَهَ غَيْرُكَ»
”اے اللہ! سات آسمانوں کے پروردگار! عظیم عرش کے پروردگار! تو فلاں بن فلاں کے شر سے مجھے بچانے والا ہو جا، راوی کہتے ہیں: یعنی یہاں آدمی متعلقہ فرد کا نام لے گا، اور جنات اور انسانوں اور ان کے پیروکاروں کے نشر سے مجھے بچا لے کہ ان میں سے کوئی ایک میرے خلاف زیادتی کرے، تیری پناہ زبردست ہے، تیری تعریف بلند و برتر ہے، اور تیرے علاوہ اور کوئی معبود نہیں ہے۔“
یہ روایت امام طبرانی نے نقل کی ہے اور اس کے رجال ”صحیح“ کے رجال ہیں، صرف جنادہ بن سلم کا معاملہ مختلف ہے، اسے ابن حبان نے ثقہ قرار دیا ہے اور دیگر حضرات نے اسے ضعیف کہا: ہے۔
(علامہ ہیثمی فرماتے ہیں:) میں یہ کہتا ہوں: اس سے پہلے ”کتاب الاذکار“ میں
یہ روایت اور اس کے علاوہ دیگر روایات گزر چکی ہیں (یعنی ایسی روایات جو اس باب کے مضمون سے تعلق رکھتی ہیں)۔ [مجمع الزاوئد ومنبع الفوائد/كتاب الأدعية/حدیث: 17446]
تخریج الحدیث: «أخرجه المعجم الكبير للطبراني برقم: 9795»

الحكم على الحديث:
إسنادہ حسن
مزید تخریج الحدیث شرح دیکھیں