الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
عیدین کے احکام و مسائل
1. نمازِ عیدین میں تمام خواتین کو عیدگاہ جانے کا حکم
حدیث نمبر: 221 |
|
سیدہ ام عطیہ رضی اللہ عنہا نے بیان کیا، رسول اللہ صلی اللہ علیہ وسلم نے ہمیں حکم فرمایا کہ ہم عید الفطر اور عیدالاضحٰی کے دن جو ان، پردہ نشین لڑکیوں اور حائضہ عورتوں کو عیدگاہ کی طرف نکالیں، رہیں حائضہ عورتیں تو وہ جائے نماز سے دور رہیں اور مسلمانوں کی دعاؤں میں شریک ہوں۔
تخریج الحدیث: «مسلم، كتاب الصلاة العيدين، باب ذكر اباحة خروج النساء الخ، رقم: 890. سنن ترمذي، ايوب الصلاة، باب ماجاء فى خروج النساء فى العيدين، رقم: 1307.»
حدیث نمبر: 222 |
|
ہشام نے اس اسناد سے اسی مثل روایت کیا ہے۔
تخریج الحدیث: «السابق»
حدیث نمبر: 223 |
|
سیدہ ام عطیہ رضی اللہ عنہا نے بیان کیا، رسول اللہ صلی اللہ علیہ وسلم نے ہمیں حکم فرمایا کہ ہم عیدالفطر اور عید الاضحیٰ میں پردہ نشین جوان لڑکیوں اور حائضہ عورتوں کو (عید گاہ کی طرف) باہر نکالیں، وہ مسلمانوں کی دعاؤں اور نماز میں شریک ہوں، جبکہ حائضہ عورتیں نماز سے الگ رہیں۔
تخریج الحدیث: «بخاري، كتاب العيدين، باب خروج النساء والحيض الي المصلي، رقم: 974. مسلم، كتاب صلاة العيدين، باب ذكر اباحة خروج النساء الي العيد الخ، رقم: 890. سنن ابوداود، رقم: 1136. سنن ترمذي، رقم: 539. سنن ان ماجه، رقم: 1308.»
حدیث نمبر: 224 |
|
سیدہ ام عطیہ رضی اللہ عنہا نے بیان کیا، رسول اللہ صلی اللہ علیہ وسلم نے ہمیں حکم فرمایا کہ ہم عیدین میں نوجوان لڑکیوں، حائضہ عورتوں اور پردہ نشین لڑکیوں کو عیدگاہ کی طرف نکالیں، رہیں حائضہ عورتیں تو وہ جائے نماز کے قریب رہیں اور مسلمانوں کی دعاوں میں شریک ہوں۔
تخریج الحدیث: «بخاري، رقم: 974. مسلم، رقم: 890. سنن ترمذي، رقم: 1307. سنن ابي داود، رقم: 1136.»
حدیث نمبر: 225 |
|
سیدہ ام عطیہ رضی اللہ عنہا نے بیان کیا، میں نے عرض کیا: اللہ کے رسول اللہ صلی اللہ علیہ وسلم ! ہم میں سے کسی کے پاس اوڑھنی نہیں ہوتی تو آپ صلی اللہ علیہ وسلم نے فرمایا: ”اس کی بہن اپنی اوڑھنی کا کچھ حصہ اسے اوڑھا دے۔“
تخریج الحدیث: «السابق»
حدیث نمبر: 226 |
|
ہشام نے اس اسناد سے اسی حدیث سابق کی مثل روایت کیا ہے۔
تخریج الحدیث: «السابق»
حدیث نمبر: 227 |
|
سیدنا عبداللہ بن رواحہ رضی اللہ عنہ کی بہن (عمرہ بنت رواحہ رضی اللہ عنہ) نے رسول اللہ صلی اللہ علیہ وسلم سے روایت کیا، آپ صلی اللہ علیہ وسلم نے فرمایا: ”ہر کمر بند باندھنے والی پر (عیدین میں عیدگاہ کی طرف) جانا واجب ہے۔“
تخریج الحدیث: «انظر ما قبل.»
2. نمازِ عیدین میں اذان و اقامت کے بغیر پہلے نماز پھر خطبہ ہے
حدیث نمبر: 228 |
|
سیدنا ابن عباس رضی اللہ عنہما نے بیان کیا، رسول اللہ صلی اللہ علیہ وسلم نے عیدین کی نماز پڑھائی، پھر خطبہ ارشاد فرمایا، سیدنا ابوبکر رضی اللہ عنہ نے بھی اسی طرح نماز پڑھائی اور پھر خطبہ دیا، سیدنا عمر رضی اللہ عنہ نے بھی اسی طرح نماز پڑھائی، پھر خطبہ ارشاد فرمایا اور سیدنا عثمان رضی اللہ عنہ نے بھی اسی طرح نماز پڑھائی، پھر خطبہ ارشاد فرمایا، اس میں نہ اذان تھی نہ اقامت، مؤمل نے بیان کیا: ہم کہیں گے کہ ان سب حضرات نے اذان و اقامت کے بغیر عیدین کی نماز پڑھائی۔
تخریج الحدیث: «بخاري، كتاب العيدين، باب الخطبة بعد العيد، رقم: 962. مسلم، كتاب صلاة العيدين، رقم: 885، 887. سنن ابوداود، رقم: 1148، 1147. سنن ابن ماجه، رقم: 1247.»
3. عیدین کے دن تکبیریں کہنا
حدیث نمبر: 229 |
|
عمرو بن دینار سے روایت ہے انہوں نے سیدنا ابن عباس رضی اللہ عنہما کو عیدین کے دن تکبیریں (اللہ اکبر، اللہ اکبر) پڑھتے ہوئے سنا، عمرو (ابن دینار) نے کہا: میں نہیں جانتا کہ دو میں سے کون سا امر مراد لیتے تھے۔ اللہ تعالیٰ کا یہ فرمان: ”جب تم مناسک حج ادا کرلو تو اللہ کو یاد کرو۔“ یا یہ فرمان: ”گنتی کے چند دنوں میں اللہ کا ذکر کرو۔“
تخریج الحدیث: «سنن كبريٰ بيهقي: 313/3. الدر المنشور: 562/1. اسناده صحيح.»
4. عیدین میں صدقہ کرنے کی ترغیب
حدیث نمبر: 230 |
|
سیدنا ابن عباس رضی اللہ عنہما بیان کرتے ہیں کہ رسول اللہ صلی اللہ علیہ وسلم عید کے دن (عیدگاہ کی طرف) تشریف لے گئے، تو آپ نے نماز پڑھائی، پھر خطبہ ارشاد فرمایا، تو آپ کو گمان ہوا کہ خواتین نے نہیں سنا، پس تین (دن) کے بعد آپ ان کے ہاں تشریف لائے، تو آپ نے انہیں وعظ و نصیحت کی اور صدقہ کرنے کی ترغیب دی تو خواتین اپنی بالیاں اور انگوٹھیاں اتار کر پھینکنے لگیں، اور سیدنا بلال رضی اللہ عنہ انہیں اٹھا کر اپنے کپڑے میں جمع کرنے لگے۔
تخریج الحدیث: «بخاري، كتاب العلم، باب عظة الامام النساء وتعليمهن، رقم: 98. مسلم، كتاب صلاة العيدين، رقم: 885. سنن ابوداود، رقم: 1143، 1142. سنن ابن ماجه، رقم: 1273. مسند احمد: 220/1. سنن دارمي، رقم: 1603. مسند حميدي، رقم: 476.»