الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
مریضوں اور ان کے علاج کا بیان
10. دُم کٹے اور دو لکیروں والے سانپوں کو مارنے کا حکم
حدیث نمبر: 675 |
|
سیدہ عائشہ رضی اللہ عنہا سے روایت ہے کہ رسول اللہ صلی اللہ علیہ وسلم نے دم کٹے اور دو لکیروں والے سانپ کے علاوہ ان سانپوں کو مار ڈالنے سے منع فرمایا جو کہ گھروں میں ہوتے ہیں، کیونکہ وہ دونوں بینائی ضائع کر دیتے ہیں اور خواتین کا حمل گرا دیتے ہیں، پس جس نے ان دونوں کو (مارے بغیر) چھوڑ دیا تو وہ ہم میں سے نہیں۔
تخریج الحدیث: «بخاري، كتاب بدء الخلق، باب قوله تعالىٰ (وسث فيها من كل دابه) رقم: 3297. مسلم، كتاب السلام، باب قتل الحبات وغيرها. سنن ابوداود، رقم: 5352. سنن ترمذي، رقم: 1483. سنن ابن ماجه، رقم: 3535.»
11. عجوہ کھجور کا بیان
حدیث نمبر: 676 |
|
سیدہ عائشہ رضی اللہ عنہا نے رسول اللہ صلی اللہ علیہ وسلم سے روایت کیا، آپ صلى اللہ علیہ وسلم نے فرمایا: ”بالائی علاقے (نجد) کی عجوہ (کھجور) شفا ہے، یا وہ زہر کا تریاق ہے۔“
تخریج الحدیث: «بخاري، كتاب الطب، باب الدواء بالعجوة للسحر، رقم: 5769. مسلم، كتاب الاشربة، باب فضل تمر المدينة، رقم: 2048. مسند احمد: 77/6.»
12. بیماری کے بعد کھانے پینے میں احتیاط کا بیان
حدیث نمبر: 677 |
|
سیدہ ام منذر بنت قیس رضی اللہ عنہا نے بیان کیا: ایک دن رسول اللہ صلی اللہ علیہ وسلم میرے ہاں تشریف لائے، سیدنا علی رضی اللہ عنہ بھی آپ کے ساتھ تھے اور وہ مرض سے صحت یاب ہوئے تھے جس وجہ سے کمزور تھے، ہمارے ہاں نیم پختہ کھجوروں کے خوشے لٹک رہے تھے۔ رسول اللہ صلی اللہ علیہ وسلم اور علی رضی اللہ عنہ ان میں سے کھانے لگے، تو رسول اللہ صلی اللہ علیہ وسلم سیدنا علی رضی اللہ عنہ سے فرمانے لگے: ”ٹھہرو، تم (بیماری سے صحت یاب ہوئے اور) کمزور ہو۔“ حتیٰ کہ علی رضی اللہ عنہ رک گئے، انہوں (ام منذر رضی اللہ عنہا) سے فرمایا: میں نے جَو اور چقندر پکائے، پھر میں اسے رسول اللہ صلی اللہ علیہ وسلم کی خدمت میں لے آئی، تو رسول اللہ صلی اللہ علیہ وسلم نے فرمایا: ”علی! اس میں سے لو (کھاؤ) کیونکہ وہ تمہارے لیے زیادہ مفید ہے۔“
تخریج الحدیث: «سنن ابوداود، كتاب الطب، باب فى الحمية، رقم: 3856. سنن ترمذي، ابواب الطب، باب ماجاء فى الحمية، رقم: 2037. قال الشيخ الالباني: حسن. سنن ابن ماجه، رقم: 3442. مسند احمد: 363/6.»
13. عود ہندی سے علاج
حدیث نمبر: 678 |
|
سیدہ ام قیس بنت محصن رضی اللہ عنہا سے روایت ہے کہ وہ اپنے بیٹے کو لے کر رسول اللہ صلی اللہ علیہ وسلم کی خدمت میں حاضر ہوئیں۔ میں نے اسے خلق کی بیماری کے اندیشے کے پیش نظر انگلی سے اس کا حلق دبایا، تو رسول اللہ صلی اللہ علیہ وسلم نے فرمایا: ”تم اپنے بچوں کے حلق اس طرح انگلی سے کیوں دباتے ہو، تم یہ عود ہندی (قسط) استعمال کرو۔“ رسول اللہ صلی اللہ علیہ وسلم نے ان کے بیٹے کو پکڑ لیا، تو اس نے آپ صلی اللہ علیہ وسلم پر پیشاب کر دیا، آپ نے پانی منگوایا اور اسے اس پر بہا دیا یا اس پر چھڑک دیا۔ راوی نے کہا: پس اس سے یہ طریقہ رائج ہو گیا کہ جو بچہ کھانا نہ کھاتا ہو اس کے پیشاب پر پانی چھڑکا جائے گا اور جو کھانا کھاتا ہو اس کے پیشاب کو دھویا جائے گا۔
تخریج الحدیث: «بخاري، كتاب الطب، باب السعط بالقسط الخ، رقم: 5692. مسلم، كتاب السلام، باب النداوي بالعود الهندي، رقم: 2214. سنن ابوداود، رقم: 3877. سنن ترمذي، رقم: 71. سنن نسائي، رقم: 302.»
14. بیمار کی تیمارداری اور شفا کی دعا کرنے کا بیان
حدیث نمبر: 679 |
|
محمد بن حاطب نے بیان کیا: میری والدہ مجھے رسول اللہ صلی اللہ علیہ وسلم کی خدمت میں لے کر گئیں، انہوں نے شوربہ بنایا تھا اور وہ میرے بدن پر گر گیا تھا، رسول اللہ صلی اللہ علیہ وسلم نے کچھ فرمایا، لیکن مجھے معلوم نہیں کہ وہ کیا تھا، جب عثمان رضی اللہ عنہ کا دور آیا تو میری والدہ نے بتایا، رسول اللہ صلی اللہ علیہ وسلم نے یہ دعا پڑھی تھی: ”لوگوں کے رب! بیماری دور فرما، تو ہی شفا دینے والا ہے، شفا عطا فرما، تیرے سوا کوئی شفا دینے والا نہیں۔“
تخریج الحدیث: «بخاري، كتاب المرضي، باب دعاء العائد للمريض، رقم: 5675. مسلم، كتاب السلام، باب استحباب رقيه الخ، رقم: 2191. سنن ابوداود، رقم: 3890. سنن ترمذي، رقم: 973. سنن ابن ماجه، رقم: 3520.»
15. پچھنے لگوانا اور اس کی اجرت دینے کا بیان
حدیث نمبر: 680 |
|
سیدنا ابن عباس رضی اللہ عنہما سے روایت ہے کہ رسول اللہ صلی اللہ علیہ وسلم نے پچھنے لگوائے اور پچھنے لگانے والے کو اس کی اجرت دی۔
تخریج الحدیث: «بخاري، مسلم، كتاب المساقاة، باب حل اجرة الحجامة، رقم: 1577. سنن ابوداود، رقم: 3423. سنن ترمذي، رقم: 1278. سنن ابن ماجه، رقم: 2163.»
حدیث نمبر: 681 |
|
سیدنا ابن عباس رضی اللہ عنہما سے روایت ہے رسول اللہ صلی اللہ علیہ وسلم نے پچھنے لگوائے اور پچھنے لگانے والے کو اس کی اجرت عطا فرمائی۔
تخریج الحدیث: «السابق.»
16. ناک میں دوا ڈالنے کا بیان
حدیث نمبر: 682 |
|
سیدنا ابن عباس رضی اللہ عنہما سے روایت کہ رسول اللہ صلی اللہ علیہ وسلم نے پچھنے لگوائے اور ناک میں دوائی ڈلوائی۔
تخریج الحدیث: «بخاري، كتاب الطب، باب السعوط، رقم: 5691.»
حدیث نمبر: 683 |
|
ابوجعفر سے روایت ہے کہ رسول اللہ صلی اللہ علیہ وسلم نے تیل کی دوائی ناک میں ڈالی۔
تخریج الحدیث: «اسناده مرسل، ضعيف فيه جابر الجعفي: ضعيف. المطالب العاليه: 336/2.»
17. علاج معالجے کی ترغیب
حدیث نمبر: 684 |
|
سیدنا ابن عباس رضی اللہ عنہما نے رسول اللہ صلی اللہ علیہ وسلم سے روایت کیا، آپ صلى اللہ علیہ وسلم نے فرمایا: ”لوگو! علاج معالجہ کیا کرو، کیونکہ اللہ نے جو بھی بیماری پیدا کی تو اس کے لیے شفا بھی پیدا فرمائی ہے، سوائے «السام» کے اور «السام» سے مراد موت ہے۔“
تخریج الحدیث: «بخاري، كتاب الطب، باب ما انزل الله داء الا انزل له شفاء، رقم: 5678. سنن ابن ماجه، رقم: 3439. مستدرك حاكم: 401/4. سنن كبري بيهقي: 343/9.»