الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
آداب کا بیان
अख़्लाक़ के बारे में
32. اس بیان میں کہ کون سے اشعار، رجزیہ کلام اور حدی بڑھنا جائز ہے اور کون سا مکروہ ہے۔
حدیث نمبر: 2047 |
|
سیدنا ابی بن کعب رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”بعض اشعار تو پرحکمت ہوتے ہیں۔“
33. اس بیان میں کہ انسان کا شعر و شاعری میں اس قدر مشغول ہونا منع ہے کہ وہ ذکر الٰہی، تعلیم اور قران مجید کی تلاوت سے بھی اس کو روک دے۔
حدیث نمبر: 2048 |
|
سیدنا ابن عمر رضی اللہ عنہما کہتے ہیں کہ نبی کریم صلی اللہ علیہ وسلم نے فرمایا: ”اگر تم میں سے کسی کا پیٹ پیپ سے بھر جائے تو یہ اس سے بہتر ہے کہ شعر و شاعری سے بھر جائے۔“ (بس شعر و شاعری ہی اس کو یاد ہو اور کچھ اس کے پیٹ میں نہ ہو اور خاص طور پر اشعار بھی وہ جو خلاف شرع ہوں)۔
34. کسی کو اس طرح کہنا کہ ”تیری خرابی ہو“۔
حدیث نمبر: 2049 |
|
سیدنا انس بن مالک رضی اللہ عنہ سے روایت ہے کہ ایک جنگل کا رہنے والا نبی کریم صلی اللہ علیہ وسلم کے پاس آیا اور کہنے لگا کہ یا رسول اللہ! قیامت کب ہو گی؟ (یہ حدیث پیچھے کتاب: نبی کریم صلی اللہ علیہ وسلم کے صحابہ کے فضائل مناقب۔۔۔ باب: سیدنا عمر بن خطاب رضی اللہ عنہ کی فضیلت کا بیان۔۔۔ میں گزر چکی ہے) اور یہاں اس میں اتنا زیادہ ہے کہ آپ صلی اللہ علیہ وسلم نے فرمایا: ”تو جس سے محبت رکھتا ہے تو اس کے ساتھ ہو گا۔“ ہم نے عرض کی کہ کیا ہم بھی اسی طرح (آپ کے ساتھ) ہوں گے تو آپ صلی اللہ علیہ وسلم نے فرمایا: ”ہاں۔“
35. قیامت کے روز تمام لوگ اپنے باپوں کے نام کے ساتھ پکارے جائیں گے۔
حدیث نمبر: 2050 |
|
سیدنا ابن عمر رضی اللہ عنہما سے روایت ہے کہ نبی کریم صلی اللہ علیہ وسلم نے فرمایا: ”قیامت میں عہد شکنوں کے لیے ایک جھنڈا نصب کیا جائے گا اور پکارا جائے گا کہ یہ ہیں غداری کرنے والے فلاں کے بیٹے فلاں۔“
36. نبی کریم صلی اللہ علیہ وسلم کا فرمان: ”کرم تو مومن کا دل ہی ہے۔“۔
حدیث نمبر: 2051 |
|
سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”لوگ کہتے ہیں کرم (انگور ہے) حالانکہ کرم مومن کا دل ہے۔“
37. اس بیان میں کہ رکھے ہوئے نام کو اس سے اچھے نام کے ساتھ بدل لینا جائز ہے۔
حدیث نمبر: 2052 |
|
سیدنا ابوہریرہ رضی اللہ عنہ سے روایت ہے کہ سیدہ زینب رضی اللہ عنہا کا نام پہلے ”برہ (یعنی نیک اور صالحہ) تھا۔ لوگوں نے کہا کہ وہ اپنے نفس کی پاکی ظاہر کرتی ہیں تو رسول اللہ صلی اللہ علیہ وسلم نے ان کا نام زینب رکھ دیا۔
38. جس نے اپنے دوست کو پکارا اور اس کے نام میں کوئی حرف کم کر دیا تو یہ جائز ہے۔
حدیث نمبر: 2053 |
|
سیدنا انس رضی اللہ عنہ سے روایت ہے کہ ام سلیم سفر میں تھیں اور نبی کریم صلی اللہ علیہ وسلم کا غلام جس کا نام انجشہ تھا، اونٹ کو ہانک رہا تھا۔ آپ صلی اللہ علیہ وسلم نے فرمایا: ”اے انجش! شیشوں کو آہستہ آہستہ لے چل۔“ (شیشوں سے مراد عورتیں ہیں یعنی ”اے انجش! ان عورتوں کے اونٹ آہستہ آہستہ ہانک۔“)
39. اللہ کے نزدیک سب سے برا کون سا نام ہے؟
حدیث نمبر: 2054 |
|
سیدنا ابوہریرہ رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: ”قیامت کے روز اللہ تعالیٰ کے سامنے سب سے برے نام کا وہ شخص ہو گا جس کا نام ملک الا ملاک ہو گا (یعنی شہنشاہ)۔“
40. چھینکنے والا الحمدللہ کہے۔
حدیث نمبر: 2055 |
|
سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم کے پاس دو اشخاص کو چھینک آئی ایک کو تو آپ صلی اللہ علیہ وسلم نے جواب میں ”یرحمک اﷲ“ فرمایا اور دوسرے کو کچھ نہ فرمایا۔ آپ صلی اللہ علیہ وسلم سے پوچھا گیا کہ آپ صلی اللہ علیہ وسلم نے اسے تو ”یرحمک اﷲ“ فرمایا اور اسے نہ فرمایا، تو نبی کریم صلی اللہ علیہ وسلم نے جواب دیا: ”اس نے الحمدللہ کہا تھا اور اس نے نہیں کہا تھا۔“
41. اس بیان میں کہ چھینک اچھی ہے اور جمائی بری ہے۔
حدیث نمبر: 2056 |
|
سیدنا ابوہریرہ رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: ”اللہ چھینک کو پسند کرتا ہے اور جمائی کو ناپسند کرتا ہے۔ جب کسی کو چھینک آئے اور وہ شخص کہے الحمدللہ تو ہر مسلمان پر جس نے سنا واجب ہو گیا کہ یرحمک اﷲ کہے لیکن جمائی چونکہ شیطان کی طرف سے ہے تو اس لیے جہاں تک ہو سکے اس کو روکے کیونکہ اس کے جمائی لینے میں ”ہا“ کہنے سے شیطان ہنستا ہے۔“