حدیث حاشیہ:
1۔
اس روایت میں ہے کہ یہ آیت کریمہ یتیم کے سر پرست کے متعلق نازل ہوئی ہے جو یتیم کی دیکھ بھال اور اس کے مال کی حفاظت کرتا ہے کہ اگر وہ نادار ہے تو دستور کے مطابق بطور حق الخدمت اس کے مال سے کھا سکتا ہے۔
(صحیح البخاري، البیوع، حدیث: 2212)
2۔
حضرت عائشہ ؒ کی بیان کردہ اس تفسیر کی تائید میں ایک مرفوع روایت بھی ہے چنانچہ رسول اللہ صلی اللہ علیہ وسلم کی خدمت میں ایک آدمی حاضر ہوا اور عرض کرنے لگا:
اللہ کے رسول اللہ صلی اللہ علیہ وسلم ! ایک یتیم میری کفالت میں ہے اور اس کے پاس مال بھی ہے جبکہ میرے پاس کچھ نہیں۔
کیا میں اس کے مال سے کچھ کھا سکتا ہوں؟ آپ نے فرمایا:
"ہاں دستور کے مطابق تو کھا سکتا ہے۔
" (تفسیر ابن أبي حاتم، سورہ النساء، آیت: 6۔
رقم: 2824)
ایک روایت کے الفاظ ہیں کہ رسول اللہ صلی اللہ علیہ وسلم نے اسے فرمایا:
"تو اپنے یتیم کے مال سے کھا سکتا ہے لیکن اسراف اور فضول خرچی نہ ہو نہ جلدی کرنے والا اور نہ تو اس کے مال سے کوئی جمع پونجی بنانے والا ہی ہو۔
'' (سنن أبي داود، الوصایا، حدیث: 2872)
3۔
وہ دستور کیا ہے جس کے مطابق ایک نادار شخص اپنے زیر کفالت یتیم کے مال سے کھا سکتا ہے؟ حضرت ابن عباس ؓ فرماتے ہیں وہ اپنی انگلیوں کے پوروں سے لے، لے یعنی بہت کم خرچ کرے۔
(تفسیر جامع البیان في تأویل القرآن: 586/7۔
رقم: 8621)
ایک روایت میں ہے۔
وہ یتیم کے مال سے صرف اس قدر کھائے جس سے اس کی بھوک دور ہو جائے۔
اور اس قدر پہنے جس سے اس کی ستر پوشی ہو جائے۔
(تفسیر جامع البیان في تأویل القرآن: 587/7۔
رقم: 8630۔
وفتح الباري: 304/8)